हिमालयखवर संवाददाता

अमेरिका- टेक्ससको ठुलो शहर ह्युस्टनमा नेपाली समुदायको ठुलो वस्ती रहेको गल्फटन स्थित ५४०१ चिम्नी रक अपार्टमेण्टमा वढ्दो अपराध लुटपाटले त्यहां वस्नेहरु चिन्तामा परेका छन् । साउथवेष्ट फ्रिवे नजिक रहेको चिम्नीरक रोडमा स्थित उक्त अर्पामेण्टमा करिव ५ सय परिवार वस्छन् । त्यसमा नेपाली समुदायको  संख्या उल्लेखनिय छ ।

 

टेक्सस स्थित च्यानलन्यूज २ ले त्यहां वस्दै आएका नेपाली रितेश तिवारीलाई उदृत गर्दै केही महिना यता मात्र १० लुटपाट भएको जनाएको छ । च्यानल २ मा तिवारी भन्छन् धेरैले रातीको समयमा आतंकित हुनु समेत परेको छ । रितेश पनि झण्डै झण्डै लुटपाटवाट बचेका थिए ।  आफ्नी १० महिनाकी छोरीका लागि दुध किन्न जांदा २ जना लुटेराले कार लुट्ने प्रयास गरेको  थिए रितेशले भने । भित्र वाहिर गर्ने गेट सजिलै फड्किन सकिने हुदां पनि लुटेरालाई सजिलो भएको उनले वताएका छन् ।

 

दुई जना व्यक्ति मेरो कम्प्लेक्स नजिक दौडिरहेकोपनि मैले भेटेको छु उनले भने । 

 

च्यानल २ टेलिभिजन संवाददाताले उक्त अर्पामेण्टका वारेमा ह्युस्टन प्रहरीसंगपनि सम्पर्क गरेका थिए । प्रहरीले उक्त अर्पामेण्टमा नोभेम्बर महिनामा दुई लुटपाटका घटना जानकारीमा आएको  उक्त टेलिभिजन च्यानललाई वताएका छन् । त्यहां वस्नेहरुले मुख्य गेट रातीमा खुलै रहेको पनि फोटोहरु राखेका छन् । हिट एण्ड रन गरेर भाग्नेहरुवाट प्रभावितले पनि फोटोहरु शेयर गर्ने गरेका छन् ।

 

तिवारीले त्यहां वस्नेहरुले सुरक्षा समस्याका वारेमा व्यवस्थापनलाई जानकारी गराएपनि छलफल बैठक मात्र भएको वताएका छन् । एक महिना अघि व्यवस्थापनसंग वैठक त भयो तर, सुरक्षा व्यवस्थामा कुनै सुधार देखिएन तिवारीले भनेका छन् । त्यहां वसोवास गर्नेले सुरक्षा क्यामरा वढाउन, वाहिरका मानिसलाई भित्र आउन नसक्ने वनाउने लगायतका माग राखेका छन् । तस्बिर: च्यानलन्यूज २ / सामाजिक संजाल