हिमालयखवर संवाददाता

क्यालिर्फोनिया (अमेरिका)- एप्पलले आफ्नो बार्षिक परम्परालाई कायम राख्दै बुधवार नयाँ र परिष्कृत आईफोन र घडी सार्वजनिक गरेको छ । आफ्नो संस्थापक स्व स्टिभ जब्समा समर्पित क्यालिफोर्नियाको स्टिभ जब्स थिएटरमा तीनवटा  मोडल आईफोन एक्स (टेनपनि भनिन्छ) एस, र आईफोन एक्स एस म्याक्स र आईफोन एक्स आर वुधवार सार्वजनिक गरिएको हो ।

 

 यी आईफोन पहिलेभन्दा परिष्कृत, उच्च प्रविधियुक्त र पृथ्वीकै सवैभन्दा राम्रो मोवाईल सेट भएको कम्पनीले दावी गरेको छ । यी फोन वढी स्टोरेज क्षमता भएका, पानीमा डुबेपनि समस्या नपर्ने, ब्याट्री वढी टिकाउ र द्रुत गतिका कम्पनीका अधिकारीहरुले बताएका छन् ।

 

एप्पल प्रमुख कार्यकारीले यी फोन सवैभन्दा परिष्कृत प्रविधियुक्त भएको दावी गरे । यसमध्ये सवैभन्दा ठूलो आईफोन एक्सएस म्याक्स हो । यो फोन साढे ५ इन्च डिस्प्लेको छ ।

 

यी तीनैवटा फोनमा विगतमा जस्तो  होम बटम राखिएको छैन । पुरा स्क्रिनमा डिस्प्ले हुन्छ । त्यसैले नयाँ आईफोन आइफोन आठको साइजमा भएपनि डिस्प्लेभने वढी रहेको छ । यी फोनका क्यामरामा पनि विशेषता थप गरिएको छ ।

 

यी नयाँ फोनमध्ये सवैभन्दा सस्तो आईफोन एक्स आर हो । यसको मूल्य ७४९ अमेरिकी डलर राखिएको छ । 

 

यो एक्सआर सेतो, कालो, रातो, निलो र पहेंलो रंगमा उपलव्ध छन् । यो फोन अक्टोबर १९ देखि प्रिअर्डर गर्न सकिन्छ । बजारमा अक्टोबर २६ वाट उपलव्ध हुने छ ।

 

आईफोन एक्सएसको मूल्य ९९९ अमेरिकी डलर राखिएको छ । अर्को ठुलो आईफोन म्याक्स एसभने सवैभन्दा महंगो छ । यसको मूल्य १०९९ अमेरिकी डलर छ । यी फोनको प्रिअर्डर पर्सी सप्टेम्बर बाट गर्न सकिन्छ । सेप्टेम्बर २१ वाट यो फोन बजारमा आउने छ ।

 

एप्पलले पुराना मोडलको फोनको मूल्य पनि घटाएको छ । नयाँ मूल्य अनुसार आईफोन ७ को ४४९ डलर, आईफोन आठ ५९९ डलरमा पाइने भएको छ ।

 

नयाँ एप्पल वाचमा विभिन्न विशेषता थप गरिएको एप्पल जनाएको छ ।  मुटुको घड्कन नाप्ने सक्नेगरी नयाँ प्रविधि थप गरिएको छ ।