प्रदेश

नेपाली काँग्रेसका निडर नेता खुमबहादुर खड्का रहेनन्

840 पटक पढिएको

हिमालय खबर संवाददाता | 30th Mar 2018, Friday | २०७४ चैत्र १६, शुक्रबार ०८:५३
हिमालयखवर संवाददाता
काठमाडौँ-
नेपालको राजनीतिमा विभिन्न कारणले चर्चित नेता खुमबहादुर खड्काको उपचारको क्रममा भारतको नयाँ दिल्लीमा निधन भएको छ ।
 
नेपाली काँग्रेस सभापति शेरबहादुर देउवा र प्रवक्ता विश्वप्रकाश शर्माले टुईटमार्फत नेता खुमबहादुरको निधनप्रति समवेदना  प्रकट गरेका छन् । काँग्रेसका अन्य नेता र कार्यकर्तालगायत थुप्रै उनका शुभचिन्तकले पनि सामाजिक सञ्जालमार्फत खड्कापति श्रद्धाञ्जली व्यक्त गरेका छन् ।
 
काँग्रेस सभापति देउवाले खड्काप्रति श्रद्धाञ्जली व्यक्त गर्दै लेखेका छन्, "लोकतान्त्रिक आन्दोलनका लागि निकै ठुलो सघर्ष गरेका काँग्रेस नेता एवं मेरा प्रिय मित्र खुमबहादुर खड्काजीको निधनको खबरले निकै दुखी भएको छु । राजनीतिको विभिन्न कालखण्डमा उहाँसँगको साथ र सहयोग कालखण्डमा उहाँसँगको साथ र सहयोग मेरा स्मृतिमा रहिरनेछ । नेपालको लोकतान्त्रिक आन्दोलनमा र काँग्रेस पार्टीमा उहाँको योगदान सदा अमर रहने छ । उहाँको निधनले मुलुकले एउटा जिम्मेवार र अनुभवी नेता गुमाएको छ ।"
 
मृगौलालगायत विभिन्न खालका रोगका पुराना बिरामी खड्कालाई काठमाडौँमा उपचार हुन नसकेपछि नयाँ दिल्लीस्थित ओपोलो अस्पतालमा लगिएको थियो । भष्ट्रचार गरेर अकुत सम्पत्ति कमाएको आरोप लागेको उनको उपचार भने सामान्य रूपमा चलिरहेको थियो । सरकारले पनि उनको उपचारमा कुनै सहयोग गरेको थिएन । तर, रोगसँग खड्काले लड्न सकिरहेका थिएनन् । उनलाई च्याप्दै गएको थियो । यही क्रममा उनले शुक्रवार निधन भएको हो ।
 
बीपी कोइरालाको मेलमिलाप नीतिसँगै नेपाल फर्किएका खड्का २०४६ को आन्दोलन पछि ८ पटक मन्त्री बने । उनी जहिले पनि निडर, राजनीतिकका किगं मेकरका रूपमा रही रहे ।  काँग्रेस पार्टीभित्र उनी प्रभावशाली थिए । 
 
आफ्नो राजनीतिको पछिल्लो चरणमा भष्ट्रचारका कारणले चर्चित र थकित बनेका खड्का राजनीतिका कुशल सञ्चालक थिए । शेरबहादुर देउवाले तत्कालीन राजा ज्ञानेन्द्रको सल्लाहमा संसद् विघटन गर्दा होस वा स्थानीय निकाय भंग गर्दा खड्काले विरोध गरेका थिए ।
 
त्यस बेला देउवाले प्रजातान्त्रिक प्रकृयावाट निर्वाचित स्थानीय निकाय भंग गर्दा मन्त्री भएर पनि खड्काले चर्को विरोध गरेका थिए । उनको सुझाव थियो यसरी धमाधम प्रजातान्त्रिक परिपार्टी द्धारा निर्वाचित निकाय भंग नगरौँ भन्ने थियो । तर,  यो सल्लाह मानेनन । जसले गर्दा तत्कालीन राजालाई केही समय शासन आफ्नो हातमा राख्न सजिलो भयो । 
 
संसदीय र संवैधानिक राजतन्त्रका पक्षधर खड्का पार्टी र कार्यकर्ता माझ भने सधैँ सम्मानित थिए । तर, भष्ट्रचारको आरोपमा केही समय जेल परेका कारण उनको राजनीतिक जिवन भने लगभग सकिएको थियो ।
 
निर्वाचन लड्न नपाउने प्रावधानले पनि उनीलाई राजनीतिमा अप्ठ्यारो परेको थियो । पहिलो संविधान सभा निर्वाचनमा आफ्नो जिल्ला दागंमा केही माओवादी कार्यकर्ताको हत्या भएपछि खड्का केही समय हराएका थिए । राजाको शासनकालमा उनीमाथि भष्ट्रचार मुद्दा लागेको थियो । तर, कार्यकर्तालाई सहयोग गर्ने, हेर्ने नेताका रूपमा खुमबहादुर धेरैका प्रिय थिए ।