हिमालयखवर संवाददाता
काठ्माडौं(नेपाल)- अभिनेत्री मनिषा कोइरालाले राम्रोसँग नबुझी बिहा गर्नु आफ्नो सबैभन्दा ठुलो गल्ती भएको वताएकी छिन् । भारतीयअनलाइन मिडियासंग कुरा गर्दै मनिषाले हतार गरेर बिहा गर्दाको परिणाम दुई वर्ष पछि सम्बन्ध विच्छेदप्रति आफूलाई पश्चताप भएको पनि वताएकी छिन् ।
भारतीय सिनेक्षेत्र मुम्बई (बलिउड)मा सफल अभिनेत्री मनिषा अहिले पुन आफ्नो करियरमा फर्किन संघर्षरत छिन् । उनले अभिनय गरेको डियर माया यही जनुको पहिलो साता रिलिज हुदंैंछ । अहिले यो फिल्मका प्रचारमा मनिषा व्यस्त छिन् ।
आफ्नो बिहा प्रति आफूलाई पश्चताप रहेपनि यो निर्णयको जिम्मेवार आफुनै भएको अन्तबार्तामा उनीले वताएकी छिन् । म मेरो त्यस बेला बिहा गर्ने निर्णय गलत थियो भन्ने मान्छु तर, यसको जिम्मेवारीपनि सबै मैलेनै लिन्छु किन कि मैले हतार गरेर बिहा गरेको थिएँ । बिहाका बारेमा आफूले अझै समय लिई सोचविचार गरेर निर्णय गर्नु पर्ने थियो, उनले भनेकी छिन् ।
मनिषाले सन् २०१० मा नेपालमा जुत्ता व्यवसायमा संलग्न सम्राट दाहालसंग हिन्दु परम्परा अनुसार विवाह गरेकी थिइन् । तर, यो विवाह दुई वर्षमात्र टिक्यो । सन् २०१२ मा सम्बन्ध विच्छेद भएको थियो । हिन्दी सिनेमामा चर्चाको शिखरवाट आरोलो लागेका वेला उनले विवाह गर्ने निर्णय गरेकी थिइन । यो विवाहपछि उनलाई पुन सिनेमा स्थापित हुन झन् कठिन भयो ।
केही वर्ष अघि मनिषालाई क्यान्सर देखियो । अमेरिकामा उपचारपछि क्यान्सर निको भएको थियो । अहिले उनी मुम्बईमा करियरमा फर्किन खोजिरहेकी छिन् । अहिले उनी चर्चित फिल्म निर्देशक राजकुमार हिरानीको सञ्जय दत्तको जीवनीमा आधारित फिल्ममा काम गरिरहेकी छिन् । सञ्जय दत्तको आमा त्यस बेला की चर्चित अभिनेत्री नरगिसको भूमिकामा मनिषा देखिने छिन् ।
मनिषाले आजकलका युवतीहरु देखेर आफू निकै प्रभावित भएको पनि अन्तवार्तामा वताएकी छिन् । अहिलेका युवती साहसी छन् आफ्नो लक्ष्य तय गर्न र यस अनुसार अघि बढ्न दृढ देखिन्छन यसबाट म प्रभावित छु उनले भनेकी छिन् । केही दिन अघि मनिषाले एक टेलिभिजन कार्यक्रममा विगतमा आफूले जीवनसँग निकै खेलवाड गरेकी वताएकी थिइन् ।
चर्चित निर्देशक सुभाष घईको सौदागारवाट हिन्दी फिल्ममा प्रवेश गरेकी मनिषाका थुप्रै सफल सिनेमाहरु छन् । नेपालमा विज्ञापन खेलेर पहिलो पटक पर्दामा देखिएकी मनिषाले नेपाली फिल्म फेरी भेटौंलामा अभिनय गरेपछि बलिउडमा प्रवेश गरेकी थिइन् । मनिषा नेपालका पहिलो जननिर्वाचित प्रधानमन्त्री बिपी कोइरालाकी नातिनी हुन् ।
प्रतिक्रिया