हिमालय खबर संबाददाता-
टेक्सस (अमेरिका)। बिरामी अवस्थामा रहेका कलाकार दीपक क्षेत्रीको उपचारार्थ अमेरिकामा रहेका नेपाली कलाकार तथा शूभेच्छुकहरुले सहयोग संकलन सुरु गरेका छन् ।
सुरेश दर्पणको सकृयतामा सुरु भएको यो अभियानमा सातहजार पाँचसय डलर संकलन भैसकेको छ । क्षेत्री लामो समयदेखि घाँटीमा पलाएको मासुका कारण गंभिर बिरामी छन् । उनको स्वर भासिएको र बोल्दा लरबराउने समस्या छ ।
क्षेत्रीको उपचारमा सहयोगका लागि अमेरिकामा रहेका नेपाली कलाकारहरु नारायण त्रिपाठीदेखि कृष्टी मैनाली, जल शाह, राजबल्लभ कोइराला, सज्जा मैनाली, किरण प्रताप केसी, अरुणिमा लम्साल लगायतले सकृय सहयोग गरेका छन् ।
उनको उपचारका लागि कलाकार दीपक क्षेत्री उपचार सहयोग अभियान सुरु भएको छ । व्यक्तिगत रुपमा र गोफण्डमा खाता खोलेर सहयोग संकलन सुरु भएको अभियानका संयोजक सुरेश दर्पणले जानकारी दिए ।
कलाकार क्षेत्रीले सयौँ नेपाली चलचित्रमा अभिनय गरेका छन् । पछिल्लो समयमा उनले अभिनय गरेको झोला चलचित्रको भूमिका अति जीवन्त रहेको छ । उनलाई सहयोग गर्न चाहने महानुभावले गोफण्डमा गएर सहयोग गर्न सकिने जनाइएको छ ।
प्रतिक्रिया