काठमाडौँ । गायक ध्रुब बिस्कोको नयाँ गीति एल्बम प्रियसी २को टाइटल गीत बेबी तिम्रो नजरको चर्चा, बेबी तिम्रो फिगरको चर्चा भन्ने गीतको म्युजिक भिडियोले अहिले चर्चाको शिखर चुम्दैछ ।
विभिन्न रमणीय स्थानहरुमा छायांकन गरिएको यस म्युजिक भिडियोमा माया प्रेमका कुरासहित मोडल मनीषाको नजर, फिगर र हँसाइको चर्चा गरिएको छ । उक्त म्युजिक भिडियोमा गायक ध्रुब बिस्को आफैँ अनि मोडल मनिषा श्रेष्ठ र देवराज परियारको सशक्त अभिनय रहेको छ ।
साङ्गीतिक क्षेत्रमा लागेर चर्चाको शिखरमा पाइला चुम्दै गरेका नब गायक ध्रुबको यो गीतको म्युजिक भिडियो युवा पुस्तालाई लक्षित गरेर बनाइएको छ ।
नेपाली साङ्गीतिक बजारमा भर्खरै आएको यस म्युजिक भिडियोले सम्पूर्ण संगीतप्रेमीहरुको मन जित्नेमा गायक ध्रुब बिस्को विश्वस्त छन् । उक्त म्युजिक भिडियोको निर्देशन विवेक बिकले गरेका छन् भने क्यामेरामा प्रेम खनाल छन् । त्यस्तै मेकअप आर्टिस्टमा नन्दा अधिकारी रहेकी छन् ।
त्यस्तै गरी शब्द बिकल तिरुवा, स्वर-संगीत ध्रुब बिस्कोको आफ्नै रहेको यस गीतको म्युजिक भिडियोमा मोडल मनिषा श्रेष्ठ र देबराज परियार रहेका छन् । मोडल देवराज एक कुशल डान्सरसमेत हुन् ।
प्रतिक्रिया