फिल्म ‘ब्रासलेट’ समूहले बुधबार औपचारिक कार्यक्रम सहित नयाँ गीत सार्वजनिक गरेको । आगामी भदौ १७ मा रिलिज हुन लागेको फिल्मका तीनवटा गीत बुधबार चलचित्र विकास बोर्डमा आयोजित कार्यक्रममा देखाइयो । तीन मध्ये दुई गीत पहिले नै सार्वजनिक भइसकेका थिए । फिल्म तीजको छेकोमा रिलिज हुन लागेको हो । यो सँगै अन्य चार फिल्मले पनि सोही मितिमा रिलिज गर्ने घोषणा गरेका छन् ।
पुराना निर्माता केशव भट्टराईको निर्माण रहेको फिल्मलाई निर्मल शर्माले निर्देशन गरेका हुन् । शर्माले यसअघि ‘चक्लेट’ फिल्म निर्देशन गरेका थिए । यो फिल्मलाई अभिनेता रमेश उप्रेतीको ‘कमब्याक’का रुपमा पनि लिइएको छ । लगभग १२ वर्षको अन्तरालपछि उनी फिल्ममा नायकका रुपमा फर्किंदैछन् यही फिल्मबाट । उनी बीचको समयमा अमेरिका बसेका थिए ।
स्थापित निर्माता केशव भट्टराई र जमानाका हिट कलाकार रमेश उप्रेतीसँग मिलेर फिल्म बनाउन पाएकोमा निर्देशक शर्माले खुसी व्यक्त गरे । ‘दर्शकले यो फिल्मबाट पूर्ण मनोरञ्जन हासिल गर्नेछन्,’ उनले भने । उनका अनुसार थ्रिलर लभस्टोरी ‘ब्रासलेट’मा एक्सन, ड्रामा, सस्पेन्स सबै समावेश छन् ।
कार्यक्रममा सञ्चारमन्त्री शेरधन राईले फिल्मले बजारमा आपूmलाई बलियो प्रतिस्पर्धी र लोकप्रिय बनाउने विश्वास प्रकट गरे । आपूm नेपाली फिल्मको विकासका लागि ठोस योजना बनाउन लागिपरेको अवगत गराउँदै उनले आफ्नो अभियानमा सघाउन फिल्मकर्मीसँग आग्रह समेत गरे ।
सुदीप बरालको छायांकन, ताराप्रकाश लिम्बु र दीपक शर्माको संगीत, विपिन मल्लको सम्पादन, गोविन्द राई र कविराज गहतराजको नृत्य, हिमाल केसीको द्वन्द्व निर्देशन रहेको ‘ब्रासलेट’मा रजनी केसीले रमेश उप्रेतीको जोडी भएर अभिनय गरेकी छन् । फिल्मको पटकथा जया ओझाले लेखेकी हुन् ।
प्रतिक्रिया