प्रवास / विश्व

टेक्ससको फ्रिस्कोमा आउँदो आइतबार निशुल्क स्वास्थ शिविर

प्रकाशित |
हिमालय खबर संबाददाता, ड्यालस (अमेरिका) । अमेरिकाको ड्यालस-फोर्थवोर्थमा बसोबास गर्ने नेपालीहरुको संस्था नेपाली समाज नर्थ ड्यालसको संयोजनमा आउँदो आइतबार स्वास्थ शिविर आयोजना हुने भएको छ । 
 
संस्थाका अध्यक्ष बादल भुजेलले हिमालय खबरलाई दिनुभएको जानकारी अनुसार टेक्ससको ड्यालस, फोर्टवर्थ क्षेत्रमा बसोबास गर्नुहुने नेपाली चिकित्सकहरु डा.मन्दिप आचार्य र डा.शर्मिला श्रेष्ठ एवं नर्सहरु कमला अधिकारी र धन न्यौपानेको समूहले उक्त शिविर आयोजना गर्नुहुने भएको छ । शिविरमा स्किन क्यान्सर, ब्लड सुगर, आँखा तथा कानको सेवाहरु उपलव्ध हुनेभएको छ । यी सेवाहरु निशुल्क रुपमा उपव्ध हुनेछन् ।
 
त्यसैगरि उक्त अवसरमा कोलेस्ट्रोल, किड्नी तथा लिभर र अन्य परिक्षण एवं ल्याव सेवाको लागि २० डलर तिर्नुपर्ने जनाइएको छ । शिविरमा रगतको सबै प्रकारका परिक्षणहरु हुनेछन् । डिसेम्बर २७, आइतबार बिहान ११ देखि दिउँसो १ बजेसम्म टेक्सस प्राथमिक स्वास्थ केन्द्र, ९१९१ केसर वे फ्रिस्कोमा शिविर सञ्चालन हुनेभएको छ । 
 
विगतमा यस प्रकारको शिविर दुई पटक भइसकेको छ । आगामी दिनमा हरेक दुई महिनाको अन्तरालमा गर्ने तयारी भइरहेको र आगामी दिनमा पनि निरन्तर रुपमा हुने कार्यक्रम रहेको अध्यक्ष भुजेलले जानकारी दिनुभयो । यो संस्थाले नेपालमा भइपरिआउने प्राकृतिक प्रकोप लगायत सामाजीक कार्यमा सहयोग गर्दै आएको छ ।
 
यसका साथै ड्यालस-फोर्थवोर्थ  क्षेत्रमा नेपाली चाडपर्वको अवसरमा विभिन्न कार्यक्रमहरु समेत संस्थाले गर्दै आएको छ । 

 


हिमालय खबर

हिमालय खबर -

थप »

यो खबर पढेर तपाईलाई कस्तो महसुस भयो ?

प्रतिक्रिया