नेपाली अमेरिकन कलाकार सँघ नर्थ अमेरिकाद्दारा साल्ट लेक सिटी च्याप्टर अध्यक्षमा नेपाली सिनेजगतकी बरिष्ठ नायिका जल शाहलाई मनोनित गरेको छ ।

बिगत लामो समयदेखि नेपाली सिने जगतमा बिशेष योगदान दिएकी नायिका शाहलाइ संघको बोर्ड मिटिंगले सर्बसम्मतिबाट सम्मानपुर्बक मनोनित गरेको हो । नोभेम्बर १६ सोमबारका दिन विषेश कार्यक्रम गरि सँघका न्युयोर्क च्याप्टर संयोजक यम बरालले शाहलाइ प्रमाणपत्र प्रदान गरेका हुन् । प्रमाणपत्र ग्रहण गर्दै नायिका शाहले संघलाइ आफुले सक्दो रुपमा विस्तार गर्ने बताइन् । कार्यक्रममा नायिका शाहलाइ खादा ओढाई सम्मान गर्नुका साथै नेपाली सुगम संगीतका बरिष्ठ गायक रामकृष्ण ढकाल,बरिष्ठ हास्य कलाकार मनोज गजुरेल,निर्देशक/सन्चारकर्मी शुरेश दर्पण पोखरेल,सन्चारकर्मी तथा अभिनेता सरोज केसी,चर्चित डिजे तेन्जिङलाई स्वागत गरेको छ ।

कार्यक्रमसँगै संस्थाका निबर्तमान अध्यक्ष गम्बु शेर्पाले नब-निर्वाचित अध्यक्ष सुमन बुढा मगरलाई अध्यक्षको सम्पुर्ण जिम्मेवारी हस्तान्तरण गर्दै कार्यकालको सफलताको शुभकामना दिएका थिए । संस्थाका गतिविधिहरुको सकारात्मक मुल्याँकन गर्दै सुझाव-सल्लाह सहित सबै अतिथीहरुले मन्तब्य दिएका थिए । स्वागत मन्तब्य बरिष्ठ ऊपाध्यक्ष बिक्रान्त बस्नेतले दिएको सो कार्यक्रमको सन्चालन नब-निर्वाचित महासचिव अभय ढुँगेलले गरेका थिए । कार्यक्रममा संस्थाका पदाधिकारी लगायत बरिष्ठ गायकहरु जगदीश समाल,राम श्रेष्ठ,कर्मा शेर्पा,पुजा न्यौपाने,सच्चि मैनाली आदिको ऊपस्थिती रहेको मिडिया संयोजक बिमल डाँगीले बताएका छन् ।