नेपाली लोक रक ब्याण्ड नेपथ्यले अमेरिकामा पहिलो पटक प्रस्तुति गर्ने भएको छ । “म्युजिक फोर युनिटी” भन्ने नारा सहित अमेरिकाका बिभिन्न सहरहरुमा एक महिना लामो सांगीतिक यात्राहुने आयोजकहरु ओडीसी इन्टरतेन्मेन्त र लुम्बिनी इन्टरनेसनलले एक पत्रकार भेटघाट आयोजना गरि जानकारी दिएको छ । अमेरिकामा पहिलो शो न्युयोर्कमा आगामी अगस्त २९ तारिखका दिन ३४ स्ट्रिटमा रहेको ह्यामेरस्टेन बलरुम हुनेछ । त्यसै गरि सेप्तेम्बेरको अन्तिमसाता टेक्सासमा अर्को शो हुनेछ । बाकी शोहरुको लागि भने अहिले सम्म निश्चित भै नसको लुम्बिनी इन्टरनेसनलका विश्व बहादुर शाहले जानकारी दिए । नेपथ्य आफ्ना दश सदस्यीय सांगीतिक टोलि सहित अगस्त २६ तारिखका दिन न्युयोर्क आइपुग्ने छन् ।
नेपथ्य ब्याण्ड करिब २० बर्ष अघि गठन भएको हो । छेक्यो छेक्यो, सा कर्णाली, जोमसोम बजारमा, भेदको ऊँन जस्तो, गीतहरु नेपथ्यका लोकप्रिय गीतहरु हुन् ।
संसारका बिभिन्न देशहरुमा आफ्नो सांगीतिक प्रस्तुति देखाई सकेको नेपथ्यले लण्डन स्थित प्रख्यात वेम्ब्लेमा समेत आफ्नो सांगीतिक प्रस्तुति देखाई सकेको छ । अमेरिकामा भने यो पहिलो प्रस्तुति हुने छ । तुलनात्मक रुपमा अरु नेपाली सांगीतिक समुह भन्दा नेपथ्य महँगो ब्याण्डका रुपमा चिनिन्छ । करिब तीन बर्ष देखिको निरन्तर प्रयाशपछि यो पटक नेपथ्यको कन्सर्ट अमेरिकामा सम्भब भएको आयोजक मध्यका एक ओडीसीका सिमान्त गुरुङले बताए ।
नेपथ्यको कन्सर्टको लागि यस पटक ३५, ५०, ७५, र १०० को टिकट दर तोकिएको छ जसमा अतिरिक्त कर पनि लाग्नेछ ।
प्रतिक्रिया