राहदानी विभागले तेस्रोलिंगी मनोज शाही मोनिकालाई लिंगको महलमा ओ अर्थात अन्य उल्लेख गरेर मेसिनले पढ्न सक्ने राहदानी दिइएको हो ।
यौनिक तथा लैगिंक अल्पसंख्यक समलिंगी, तेस्रोलिंगी, दुईलिंगी, अन्तरलिंगीलाई नागरिकतामा उल्लेख भएको पहिचान अनुसारनै राहदानी वितरण गरिएको विभागका महानिर्देशक लोकबहादुर थापाले जानकारी दिनुभयो ।
पासपोर्ट पाएपछि भावुक भएका शाहीले पहिलोपटक तेस्रोलिंगीको पहिचान स्थापित भएको भन्दै खुसी व्यक्त गरिन् । अष्ट्रेलिया र न्यूजिल्यान्डले मात्रै यसअघि ‘एक्स’ उल्लेख गरेर पासपोर्ट दिएको थियो ।
गतवर्ष पासपोर्ट नियममा संशोधन गर्दै अन्यका नाममा नागरिकता दिने व्यवस्था गरिएको थियो ।
प्रतिक्रिया