मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

यो कथा होइन   

चिडियाखानामा भाले गोरिल्ला हेर्न युवतीको भिड

चिडियाखानामा भाले गोरिल्ला हेर्न युवतीको भिड


सुन्दर तथा सुगठित तन्नेरीप्रति युवतीहरु आकषिर्त हुने कुरा नौलो होइन । तर जापानमा भने युवकप्रति होइन एउटा गोरिल्ला जनावरप्रति युवतीहरु अत्यन्तै आकषिर्त हुन थालेका छन् । उक्त गोरिल्ला हेर्नका लागि चिडियाखानामा युवती तथा महिलाहरुको भिड लाग्ने गरेको छ ।
 
जापानको नागोयामा रहेको हिगासियाम चिडियाखाना तथा बोटानिकल गार्डेनमा रहेको १८ वर्षको शावानी नामको भाले गोरिल्ला अहिले सुपरस्टार बनेको छ ।
 
१ सय ८० किलो तौलको यो गोरिल्लाको जिउडाल गठिलो तथा बलियो छ भने देख्नमै पनि सुन्दर छ ।
यो देख्नमा मात्र सुन्दर होइन यसले चिउडोमा हात राखेर आफुलाई हेर्न आएका मानिसहरुलाई मज्जाले हेर्ने गरेको चिडियाखानका प्रवक्ता ताकायुकी इसिकावा बताउँछन् । साथै आफ्नो फोटो खिच्न कसैले थाल्यो भने मज्जाले पोज पनि दिन्छ ।
 
यो गोरिल्ला अहिले आफ्नो वैशालु उमेरको चरम उत्कर्षमा छ । त्यसैले यसको जिउडाल तथा सुन्दरताका साथै बानी व्यवहार पनि आकर्षक तथा मिलनसार बनेको छ । भाले गोरिल्लाको क्रेज बढ्दै जाँदा पछिल्लेा समयमा चिडियाखाना घुम्न आउने महिला दर्शकको संख्या बढ्दै गएको उनी बताउँछन् । महिलाहरुले गोरिल्लालाई निकै ह्याण्डसम रहेको बताउने गरेको अनुभव प्रवक्ताको रहेको छ ।
 
शाबानी गोरिल्ला सन् २००७ देखि चिडियाखानामा बस्दै आएको छ । यो वर्षको सुरुमा भएको वसन्त उत्सवका अवसरमा उसलाई अभियान मोडेल बनाएपछि उसको चर्चा बढेको हो ।
 
यो गोरिल्ला राम्रो भएकोले मात्र होइन यसको गुन पनि उत्कृष्टै छ । ऊ धेरैवटा बच्चाको बाउ हो र आफ्ना बच्चालाई गर्ने स्याहार सुसार पनि मज्जाले गर्छ । उसले निर्वाह गर्ने बाउको भूमिकाले पनि सबैलाई प्रभावित गरेको छ ।
 
यो गोरिल्ला जापानमा अहिले राष्ट्रिय सेलिब्रेटी नै बनेकोछ । यसलाई त्यहाँका चर्चित टेलिभिजनहरुले लोकपि्रय कार्यक्रमहरुमा प्रस्तुत गरिसकेका छन् । – एजेन्सीको सहयोगमा