वासिङ्टन । पच्चीस देशका २०० भन्दा बढी प्रजातान्त्रिक सुधार विचारधाराका सांसद्हरूको समूहले सेप्टेम्बर १२(१४ सम्म अमेरिकाको वासिङ्गटन डिसीमा वार्षिक सम्मेलन आयोजना गर्ने भएका छन् । अमेरिकास्थित पोलिटिको प्रकाशनले सो बारे उल्लेख गरेको छ । 

 

चिनियाँ सरकारले ताइवानविरुद्ध सैन्य कारबाही बढाइरहेको र युक्रेनविरुद्ध रूसको जारी आक्रमणको जटिल र संवेदनशील समयमा यो जमघट हुन लागेको बेल्जियम चेम्बर अफ रिप्रिजेन्टेटिभका सदस्य एवं चीनमा अन्तरसंसदीय गठबन्धनका सहअध्यक्षले बताएका  छन्। 

 

कोगोलाटीले सो शिखर सम्मेलनले चीनमा मानवअधिकार र ताइवानको लोकतन्त्रको रक्षार्थ चिनियाँ सरकारले कसरी काम गर्न सक्छ भनेर छलफल गर्न ६० जना विधायकहरूबीच छलफल हुने बताएका छन् ।

 

अष्ट्रेलिया, भारत, जापान र न्यूजील्याण्डका आइपिएसी सदस्यहरूले यस महिनाको सुरुमा विधायकहरूका लागि इन्डो प्यासिफिक फोरम सुरु गर्ने घोषणा गरेका थिए । 

 

इन्डो प्यासिफिक फोरमले उदार नियममा आधारित विश्व व्यवस्था, लोकतन्त्रको साझा मूल्य, अभिव्यक्ति स्वतन्त्रता र विधिको शासनको रक्षा र अभिवृद्धि गर्न संयुक्त प्रयासलाई गहन बनाउने विषयमा फलफल केन्द्रित हुने जनाएको छ ।  

 

साथै इन्डो प्यासिफिक फोरमले यस क्षेत्रमा चीनको बढ्दो प्रभावलाई प्रतिक्रिया दिनको लागि समन्वयात्मक रणनीति बनाउने पनि उल्लेख गरेको छ ।  

 

यसैगरी सो फोरम विशेष गरी यस क्षेत्रमा उत्पन्न भएका चुनौतीहरूलाई सम्बोधन गर्न गठन गरिएको आफ्नै प्रकारको पहिलो अन्तर(संसदीय फोरम हुने पनि उल्लेख गरिएको छ।

 

आइपिएसीले दक्षिण कोरिया, ताइवान, प्यासिफिक टापुहरू र यस क्षेत्रका अन्य प्रजातान्त्रिक साझेदारहरूका साथै अमेरिका, बेलायत र युरोपका विधायकहरूका साथै भविष्यमा हुने अन्य बैठकहरूमा भाग लिने आशा राखेको छ । एएनआई