फुकुओका । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले विदेशमा रहेका नेपालीलाई मतदानको अधिकार दिने विषयमा छलफल चलिरहेको बताएका छन् ।
जापानको फुकुओकामा आयोजित नेपाल फेस्टिबल, २०२२ को उद्घाटन गर्दै अध्यक्ष दाहालले विदेशमा रहेका नेपालीलाई मतदानमा सहभागी गराउने विषयमा महत्त्वपूर्ण छलफल भइरहेको बताए । उनले विदेशमा रहेका नेपालीको ज्ञान, सीप, अनुभव र पूँजीलाई मुलुक निर्माणमा परिचालन गर्न सकिने र त्यसका लागि आफूहरु प्रयासरत रहेको बताए ।
नेपाल र जापान बीचको सम्बन्ध पुरानो रहेको भन्दै उनले १२० वर्षदेखि नेपाली विद्यार्थी जापानमा अध्ययन गरिरहेको समेत जानकारी दिए । नेपालको शैक्षिक र आर्थिक विकासका लागि पु¥याएको सहयोगप्रति पूर्वप्रधानमन्त्री दाहालले जापान सरकारलाई विशेष धन्यवाद दिए । दातृ देशका रुपमा जापान नेपालका लागि महत्त्वपूर्ण रहेको उल्लेख गर्दै उनले नेपाल–जापान सहयोगलाई थप विस्तारका लागिसमेत महत्त्वपूर्ण भूमिका खेल्ने विश्वास व्यक्त गरे ।
नेपाल–जापान सम्बन्धलाई नयाँ उचाइमा पु¥याउन आफ्नो भ्रमण केन्द्रित रहने उनले विश्वास व्यक्त गरे । जापानी पूर्वप्रधानमन्त्री सिन्जो आबेसँग आफ्नो विशेष सम्बन्ध र मित्रता रहेको अध्यक्ष दाहालले स्मरण गरे । आगामी सङ्घीय र प्रदेशसभाको निर्वाचनपछि बलियो र स्थिर सरकार गठन हुने विश्वास व्यक्त गर्दै उनले विकास र समृद्धिको अभियान निरन्तर अगाडि बढ्ने बताए । पाँचदिने जापान भ्रमणका क्रममा अध्यक्ष दाहाल आज जापान आएका हुन् । रासस
हिमालय खबर -
- गोलाबारीको आवाजले आक्रान्त युक्रेनी कामदार युद्धको बेवास्ता गर्दै खानीमा व्यस्त
- माओवादी केन्द्रसँग एकता गर्ने एकीकृत समाजवादीको निर्णय
- निर्वाचन सुरक्षा योजना बनाउन आयोगको निर्देशन
- प्रहरीको सम्पूर्ण ध्यान निर्वाचनमा केन्द्रित हुन्छ : प्रहरी महानिरीक्षक सिंह
- नेपाल इयुको हवाई प्रतिबन्धबाट छिट्टै हट्छ : पर्यटनमन्त्री श्रेष्ठ
- उत्तर कोरियाद्वारा दुई वटा क्रुज क्षेप्यास्त्र प्रहार
- पेलोसीको ताइवान भ्रमण क्षेत्रीय अस्थिरता बढाउन हो : राष्ट्रपति पुटिन
- न्यायाधीश, वकिल, कानुन व्यवसायी सबैमा उच्च नैतिकता आवश्यक : प्रधानमन्त्री देउवा
- अवरूद्ध आणविक सम्झौता वार्ता पुनः थाल्न इरानले दियो लिखित जवाफ
- म्यानमारकी अपदस्थ नेतृ सुकीलाई थप छ वर्षको जेल सजाय
प्रतिक्रिया