काठमाडौं – स्थानिय चुनावको मतदान प्रकृया सकिए लगत्तै आएका प्रारम्भिक अनुमानहरुले काठमाडौ महानगर पालिकामा स्वतन्त्र उम्मेदवार बालेन शाहले जित्ने संभावना वढेको छ ।
अनलाइन खवर पत्रिका सेतोपाटीले चुनाव सकिए लगत्तै स्थानिय मतदातालाई सोधेको आधारमा वनाएको समाचारमा बालेन जित्ने अवस्था रहेको उल्लेख गरिएको छ ।
यो समाचार आए लगत्तै समाजिक संजालमा तरंगनै आएको छ । सेतोपाटीको यो अनुमान भने कुनै वैज्ञानिक सर्वेक्षणवाट आएको होइन । काठमाडौ महानगर चुनाव चर्चाको केन्द्रमा छ । त्यसमा पनि र्यापारवाट चर्चा कमाएका बालेनको क्रेज थियो ।
हिमालयखवरले एक साता अघिनै राजनीतिक पार्टीको सेन्डिकेट तोड्न बालेनलाई जिताउनु पर्ने सम्पादकीय लेखेको थियो । बालेनले भनेजस्तो नगरेपनि नयां सन्देश भने दिने हिमालयखवरको दावी थियो ।
बालेनको प्रचार प्रसार शैली निकै आधुनिक थियो । प्रचार प्रसारमा मिलाउन जान्ने भनेर मानिएका कांग्रेसका महामन्त्री गगन थापालाई समेत पछाडी पार्ने गरी बालेन अघि वढेका थिए । उनको प्रचार प्रसार शैली पनि यस्तै निकै व्यस्थित थियो ।
बालेनको प्रचार प्रसारका लागि एउटा टिमै लागेको वताईएको छ ।
नेपाल बाहिर अमेरिका समेत बालने चर्चामा थिए । हाल अमेरिका आएका पत्रकार अनिल अधिकारी भन्छन् बालेनले यति चर्चा पाउनु भनेकै नेपालको परम्परागत राजनीतिक शैली र राजनीतिक पार्टीको कार्यप्रकृयालाई चुनौती रहेको वताए । यसले अव राजनीतिक कोर्स नै परिवर्तन गर्न सक्छ उनले भने ।
अमेरिका वस्ने व्यवसायी बासुदेव धिमिरे बालेनको निर्वाचन अभियानलाई नजिक वाट हेरिरहेका थिए । बालेनको प्रचार संरचना निकै व्यस्थित राम्रो थियो घिमिरेले भने उनले कसैलाई गाली गरेनन् आफ्ना कुरा राखे गाली गर्नेलाई पनि सभ्य भाषामा उत्तर दिए ।
काठमाडौ महानगरमा करिव २ लाख मत खसेको अनुमान छ । मतपत्र ठुलो र झन्झटिलो भएकाले जित हार देखिने गरी मत आउन एक दिन कुर्नु पर्ने छ । जितका लागि करिव काठमाडौ महानगरमा करिव ५० हजार मत ल्याउनु पर्ने छ ।
बालेनको चर्चाले बैकल्पिक राजनीतिक शक्तिको संभावना रहेको देखाएको छ । अवको संसदिय चुनाव निकै पेचिलो हुने संकेत समेत गरेको छ ।
तर, शुरुआती अनुमानले बालेन निकै बलियो अवस्थामा रहेको देखाएको छ ।
स्थानिय चुनावमा करिव ६४ प्रतिशत मत खसेको अुनमान छ । ४४ निर्वाचन केन्द्रको मतदान रोकिएको छ । यहां पुन चुनाव भएपछि ति स्थानमा मत गणना हुने छ ।
प्रतिक्रिया