अमेरिका समाचार

गाडीको ठक्करबाट निधन भएका देवराज सापकोटाको अन्तिम संस्कारका लागि सहयोगको अपिल

प्रकाशित |
कोलोराडो, अमेरिका । कोलोराडो बोल्डर निवासी देवराज सापकोटाको बाटो काट्ने क्रममा अप्रिल १९ तारिकका दिन गाडीले ठक्कर दिँदा मृत्यु भएको  बोल्डर काउन्टी कोरोनरको कार्यालयले जनाएको छ ।
 
बोल्डरस्थित काठमाडौँ रेस्टुरेन्टमा कार्यरत देवराजलाई लुइजभिलस्थित यूएस ३६ मा बाटो काट्ने क्रममा गाडीले ठक्कर दिँदा मृत्यु भएको कोलोराडो स्टेट पेट्रोल टुपर गेरी कट्लरले जनाएका हुन्  । सापकोटाका नजिकको आफन्त यहाँ कोही नभएका कारण पोस्टमार्टम भइसक्दासमेत पार्थिव शरीर कसैलाई हेर्न दिइएको छैन ।
 
धादिङको जिल्ला निलकण्ठ नगरपालिका ४ अल्छीडाडा घर भएका सापकोटा भाग्यको खोजीमा ६ वर्ष अगाडि अमेरिका आइपुगेका थिए । घरमा ८० वसन्त पार गरेका आमाबुबा, श्रीमती र सानो छोरालाई छोडेर अमेरिका आएका सापकोटाको निधनको खबरले परिवारमा ठूलो वज्रपात परेको छ ।
 
उनको अन्तिम दाहसंस्कार सम्पन्न गर्न उनको परिवारलाई नेपालबाट झिकाउने पहल भइरहेको एनआरएन कोलोराडो च्याप्टरका अध्यक्ष आरसी पन्तले बताएका छन् । 
 
यी सबै प्रक्रिया सम्पन्न गर्न कोलोराडोस्थित सबै सामाजिक संघसंस्था, समाजसेवीहरुको सुझावअनुसार आर्थिक सहयोग संकलन गर्न धादिङ नेपाली समाज अमेरिका र एनआरएन कोलोराडो च्याप्टरको संयुक्त नाममा गोफण्ड मी खोल्ने निर्णय भएअनुसार गोफन्ड मी खोलिएको अध्यक्ष पन्तले बताएका छन् ।
 

नातिबाबु भट्ट

नातिबाबु भट्ट -

थप »

यो खबर पढेर तपाईलाई कस्तो महसुस भयो ?

प्रतिक्रिया