एनआरएन विशेष

के एनआरएनएको औचित्य समाप्त भएको हो

प्रकाशित |
अमेरिका- विदेशमा बस्ने नेपालीको पक्षमा काम गर्न भनेर गठन भएको गैर आवासीय नेपाली संघ (एनआरएनए)को औचित्य समाप्त भएको हो ? 
 
सामाजिक संजाल र अनौपचारिक रुपमा आएका प्रतिकृयाका आधारमा भन्ने हो भने एनआरएनएको औचित्य समाप्त भएको छ । झण्डै ६ महिना चलेको नेतृत्व चयन विवाद र त्यस पछि हचुवाका भरमा गठन गरिएको पदाधिकारी चयन कमैलाई मन परेको छ । मुख्य पदमा चयन भएका समेत खुशी छैनन् । 
एनआरएनए अमेरिकाका अध्यक्ष बुद्धि सुवेदीका अनुसार अहिलेसम्म आईसीसी पदाधिकारीको को हुन् भन्ने औपचारिक जानकारी समेत एनसीसीलाई दिईएको छैन । 
 
एनसीसी मध्येमा सवैभन्दा धेरै सदश्यता भएको एनआरएनए अमेरिकामा अहिले अध्यक्ष, उपाध्यक्ष, महासचिव, सचिव सहित सानो तिनो मञ्चमा नअट्ने पदाधिकारी छन् । तर, यति धेरै पदाधिकारीको औचित्यका वारेमा अमेरिका भित्रै प्रश्न उठेको छ । यत्रा पदाधिकारी हुदां पनि एनआरएनए अमेरिका विवादित छ । 
विदेशमा वस्ने नेपालीले थुप्रै हण्डर पाएका छन् । दुख्ख गरेर कमाएको पैसाले केही सुन वा  अलि ठुलो टेलिभजन ल्यांउदा एयरपोर्टमा अनेक अझमेला गरिन्छ । नेपाली नागरिकताको निरन्तरताको विषय प्रभावकारी रुपमा मुद्दा वन्न सकेको छैन । विदेशमा वस्ने नेपालीका लागि नेपालमा सम्पत्ति र राजनीतिक अधिकारको विषय जटिल वनाईएको छ । 
 
ठुलो व्यापार घाटाले गर्दा देशमा विदेशी मुद्राको अभाव भएको छ । अर्थमन्त्रालय र राष्ट्र बैंकले नेपालमा डलर खाता खोल्न आग्रह गरिरहेको छ । तर, एनआरएनएले यस्ता मुद्दालाई प्रभावकारी रुपमा राख्न सकेको छैन । विवाद मिलाउन राजनीतिक पार्टी र सरकारलाई सकृय गराउंदा एनआरएनए अरु कमजोर वनेको छ । पछिल्लो विवादले विदेशमा वस्ने धेरै नेपाली एनआरएनएसंग टाढिन थालेका छन् । आफ्ना मुद्दालाई प्रभावकारी रुपमा उठाउने कुनै विकल्प खोज्दै छन् । 
 
विदेशमा वस्ने नेपाली गैर आवासीय नेपाली हुन् । तर, एनआरएनएको सदश्यता लिनेको संख्या भने निकै सानो छ । अहिले ५०  लाख भन्दा वढी नेपाली विदेशमा रहेको अनुमान छ । तर, एनआरएनएको सदश्य संख्या भने जम्मा १ लाख ६ हजार मात्र छ । 
 
दुई बर्ष अघि एनआरएनएले १० अर्व रुपैंयाको महत्वकांक्षी लगानी कोषको अवधारणालाई छिटो गतिमा अघि वढाएको थियो । तर, संस्था भित्र विवाद आएपछि यो कोष पनि संकटमा परेको छ । 
 
एनआरएनएले आफ्नो साख फर्काउन निकै ठुलो मेहिनेत गर्नु पर्ने अवस्था छ । तर, यस तर्फ संस्था अघि वढेको छैन । त्यसैले यसको औचित्य समाप्त हुदैं गएको छ । 


यो खबर पढेर तपाईलाई कस्तो महसुस भयो ?

प्रतिक्रिया