टेक्सस (अमेरिका)- टेक्सस हाउस डिस्ट्रिक्ट-९२ क्षेत्रबाट प्राइमरी चुनावमा डेमोक्र्याटिक पार्टीबाट सल्मान भोजनी आधिकारिक उम्मेदवार भएका छन् । उनले ५७.५१ प्रतिशत मत अर्थात् ३७०७ मत पाएर आधिकारिक उम्मेदवार भएका हुन् ।
टेक्सस हाउस डिस्ट्रिक्ट-९२ मा डेमोक्र्याटिक पार्टीबाट तीनजनाले उम्मेदवारी दिएका थिए । जसमा ट्रेसी स्कट, दिनेश शर्मा र सल्मान भोजनी रहेका थिए ।
यसैगरी, ट्रेसी स्कट दोस्रो भएकी छन् I उनी कुल खसेको मतमध्ये २५.४३ प्रतिशत अर्थात् १६३९ मत पाएर दोस्रो भएकी हुन् ।
त्यस्तै, सोही क्षेत्रबाट नेपाली समुदायबाट उम्मेदवार रहेका दिनेश शर्माले १७.०६ प्रतिशत अर्थात् ११०० मत पाएर तेस्रो स्थानमा चित्त बुझाउनुपर्यो । टेक्सस हाउस डिस्ट्रिक्ट-९२ क्षेत्रभित्र युलेस, आर्लिंगटन, बेडफोर्ड र ग्रान्डपेरी सहर पर्दछन् । जुन सहरहरू नेपाली समुदायको उल्लेख्य जनसंख्या रहेको क्षेत्रमा पर्दछन् ।
प्रतिक्रिया