ड्यालस (टेक्सस) – सात महिना अघि युलेस सिटी काउन्सिलमा निर्वाचित टिका पौडेलले आइतबार अर्भिङमा चियापान कार्यक्रम सहित आफुले अघि बढाएका कार्यक्रमका बारेमा समुदायलाई जानकारी दिए । 

 

गत जुन महिनामा भएको सिटी काउन्सिलको चुनावमा पौडेल निर्वाचित भएका थिए । त्यस यता सिटीमा भएका र आफूले खेलेका भूमिका बारेमा नेपाली समुदायलाई अवगत गराएका हुन् । पौडेलले नेपाली समुदायको चाहना अनुसार फूटबल मैदान, भलिबल कोर्ट बनाउका लागि बोर्डमा प्रस्ताव अघि बढाइसकेको जानकारी दिए । 

डिएफडब्लु एअरपोर्टसँग जोडिएर रहेको युलेस सिटीमा स्थायी बसोबासका लागि नेपाली समुदायको निकै ठूलो चासो रहेको छ । सिटीबाट गर्नुपर्ने कार्यहरुका बारेमा सुझाव दिन र सिटीका बिभिन्न गतिविधिमा चासो दिन एवं सकृय हुनका लागि समेत पौडेलले आव्हान गरेका थिए ।

 

सो अवसरमा नेपाली समुदायका अगुवाहरु कृष्ण लामिछाने, सुमन थापा साथै सिटी काउन्सिलका उम्मेदवार मोहन ज्ञवाली, टेक्सस स्टेट हाउस ९२ का प्रत्याशी दिनेश शर्मा लगायतको पनि उपस्थिती थियो ।