अमेरिका- अमेरिकाको राजश्व विभाग आईआरएसले जनवरी २४ सोमवार देखि व्यक्तिगत ट्याक्स रिर्टनको विवरण लिन शुरु गरेको छ । 

 

आउने अप्रिल १८ सम्म ट्याक्स फाइल गर्न सकिने छ । यो दिनसम्म गत बर्ष आम्दनी र अमेरिकी सरकारलाई तिरेको करको विवरण तोकिएको फारम भरेपछि पैसा फिर्ता लिनुपर्ने भए आउंछ । तिर्नु पर्ने रहेछ भने नियम अनुसार सरकारलाई पैसा फिर्ता गर्नु हुन्छ । 

समान्यत ट्याक्स रिर्टन अप्रिल १५ सम्म हुने भएपनि वासिंटन डीसीमा इमान्सिपेशन डे परेकाले अप्रिल १८ सम्म समय दिईएको हो । 

 

यदी यो अवधिमा ट्याक्स रिर्टन गर्न नसक्नेले ६ महिना समय थप गर्नपाउंछन् । तर, ट्याक्स रिर्टनको समयमात्र थप्न पाइन्छ तिर्न पर्ने रकममा भने यस्तो छुट हुदैंन । 

 

विशेष अवस्थामा केही राज्य वा स्थानमा ट्याक्स फाइल गर्ने समय थपपनि गरिएको छ । एरकान्सस, इलिनोई, केन्टकी, र टेनसी राज्यका आंधीवेरीवाट प्रभावितका लागि थप समय दिईएको छ । कोलोराडोमा हालै भएको आगलागीवाट प्रभावितलाई पनि थप समय दिईएको छ । 

 

चाडै ट्याक्स फाइल गर्यो भने फिर्ता लिनुपर्ने भए यो चाडै आउने छ । तर, गत बर्ष जस्तै यस बर्ष पनि आईआरएस कोभिड १९ का कारण कम जनशक्तिमा काम गर्नु पर्ने भएकाले ट्क्यास रिर्टन आउन समान्य भन्दा वढी समय लाग्न पनि सक्छ । कतिपयको गत बर्षकै राफसाफ हुन बांकी रहेको वताईएको छ । 

 

समान्यतह तोकिएको फारम भरेर ट्याक्स फाइल गरेको २१ दिनमा आईआरएसले रिटर्न पठाउन शुरु गर्छ । सम्वद्ध व्यक्तिको बैंक खातामै रिटर्न जम्मा गरिदिन्छ । 

 

ट्याक्स फाइदा गर्दा सही विवरण उल्लेख गरी फारम भर्नु पर्छ । होइन भने पछि झमेलामा पर्न सकिन्छ । शुरुमा रोजगारदाताले दिने डब्लु टु लगायत आश्वयक कागजात जम्मा गरी ट्याक्स फाइल गर्नु पर्छ । यसमा आश्रित आफ्ना बालबालिकाको विवरण भर्न छुटाउनु हुदैंन ।

 

रोजगार वाहेक आम्दानीका स्रोत विभिन्न खालका छन् । जटिलताहरु छन् भने कर विज्ञको परामर्श दिनु उपयुक्त हुन्छ । मुख्य कुरा ट्याक्स फाइल अमेरिकामा आम्दानी गर्नेले अनिवार्य गर्नु पर्छ । यसलाई खेलांचीका रुपमा लिनु हुदैंन । आईआरएसले भने अनुसार गर्नु पर्छ । उनले पठाउने पत्रको समय भित्रै सम्वोधन गर्नु पर्छ । यो कानुन हो । खेलांची गर्दा पछि कानुनी झमेलामा पर्न सकिन्छ । 

 

ट्याक्स फाइलका क्रममा विभिन्न प्रकारका ठगी गर्ने नियतले आईआरएसवाट भन्दै टेलिफोन गर्ने गरेका उदाहरण छन् । आईआरएसले टेलिफोनवाट यसरी सम्पर्क गर्दैन । यस्ता फोन आए नवुझिकन, विज्ञसंग परामर्श नलिई व्यक्तिगत जानकारी कुनै पनि हालतमा दिनु हुदैंन । बैंक खाता विवरण दिनु हुदैंन । थाहा भएन भनेर फोन राख्न पाइन्छ । ठगी गर्ने फोनवाट भने वच्नु पर्छ ।