नयाँ दिल्ली । कोभिड–१९ महामारी पुनः फैलिन थालेपछि फेब्रुअरी २८ सम्मका लागि भारतबाट बाहिर जाने र अन्य मुलुकबाट यहाँ आउने अन्तर्राष्ट्रिय उडान स्थगित भएको भारतीय उड्डयन अधिकारीहरूले बुधबार बताएका छन् ।
मुलुकको नागरिक उड्डयन महानिर्देशनालय (डिजिसिए) ले जारी गरेको परिपत्रअनुसार डिजिसिएले तोकेरै स्वीकृत गरेको अन्तर्राष्ट्रिय सबै कार्गो सञ्चालन तथा उडानका लागि यो प्रतिबन्ध लागू हुने छैन ।
भारतको नागरिक उड्डयन महानिर्देशनालय जारी गरेको आदेशमा भनिएको छ, “सन् २०२१ को नोभेम्बर २६ मा गरिएको महानिर्देशनालयको परिपत्रमा आंशिक परिमार्जन गरिएको छ ।
पछिल्लो निर्णयअनुसार भारतबाट विदेश जाने र विदेशबाट यहाँ आउने अन्तर्राष्ट्रिय वाणिज्य यात्रु सेवालाई फेब्रुअरी २८ को राति २३ः५९ बजेसम्मका लागि विस्तार गर्ने निर्णय गरिएको छ,” परिपत्रमा उल्लेख छ ।
“तथापि, ‘एअर ववल’ प्रबन्धअन्तर्गत हुने सबै उडानहरू भने यस निर्णयबाट प्रभावित हुने छैनन् ।”
बढ्दो कोभिड सङ्क्रमणको फैलावटलाई नियन्त्रण गर्न भारतले मार्च २०२० को अन्त्यतिर राष्ट्रव्यापी लकडाउनका साथै अन्तर्राष्ट्रिय तथा राष्ट्रिय उडानहरू स्थगित गरेको थियो । तर। झण्डै दुई महिनाको अवरुद्धतापछि २५ मे, २०२० देखि घरेलु उडान पुनः सञ्चालनमा आउन सुरु भएको थियो । एजेन्सी
हिमालय खबर -
- भरतपुरमा मेयरमा रेनु दाहाललाई ९०१९ र उपमेयरमा अधिकारीलाई १७ हजार ७४० मतान्तरको अग्रता
- युक्रेनद्वारा युद्धविराम अस्वीकार
- धनगढी उपमहानगरमा स्वतन्त्र उम्मेदवार हमाल र उपप्रमुखमा एमालेका राना विजयी
- स्थानीय तहमा कुन प्रदेशका कुन दलका कति निर्वाचित ?
- शिक्षालयमा हप्तामा दुई दिन बिदा नदिन आग्रह
- पोखराको प्रमुखमा गठबन्धनका आचार्य तीन हजार ४३७ मतले अगाडि
- हालसम्म ७१६ पालिकाको अन्तिम परिणाम सार्वजनिक, ३५ को गणना जारी
- अधिकांश अस्पताल आइतबार पनि खुल्ने
- भरतपुर महानगरमा ८३ हजार मतगणना, रेनु दाहाललाई ६९३९ मतको अग्रता
- गठबन्धन मूलभूतरुपमा सफल : अध्यक्ष प्रचण्ड
प्रतिक्रिया