काठमाडौँ । प्रमुख श्रम गन्तव्यमा देखिएका अनेकन अवरोधका कारण विप्रेषण आप्रवाहमा गिरावट आएको छ । नेपाल राष्ट्र बैंकले बिहीबार सार्वजनिक गरेको चालु आर्थिक वर्षको पाँच महिनाको विवरणमा विप्रेषण आप्रवाह ६,८ प्रतिशतले घटेको छ ।
सो अवधिमा कूल रु तीन खर्ब ८८ अर्ब ५८ करोड बराबरको विप्रेषण आप्रवाह भएको छ । अघिल्लो वर्षको सोही अवधिमा विप्रेषण आप्रवाह ११.० प्रतिशतले बढेको थियो । अमेरिकी डलरमा विप्रेषण आप्रवाह ७.३ प्रतिशतले कमी आई ३ अर्ब २६ करोड पुगेको छ ।
अघिल्लो वर्ष यस्तो आप्रवाह ६.४ प्रतिशतले बढेको थियो । सो अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको सङ्ख्या उल्लेख्यरूपमा वृद्धि भई एक लाख ३१ हजार ८२ पुगेको छ । अघिल्लो वर्षको सोही अवधिमा यस्तो सङ्ख्या ९२.७ प्रतिशतले घटेको थियो ।
त्यसैगरी वैदेशिक रोजगारीका लागि पुनःश्रम स्वीकृति लिने नेपालीको सङ्ख्या समीक्षा अवधिमा २९५.८ प्रतिशतले वृद्धि भई ९९ हजार ५८० पुगेको छ ।
अघिल्लो वर्षको सोही अवधिमा यस्तो सङ्ख्या ७७.३ प्रतिशतले घटेको थियो । समीक्षा अवधिमा खुद ट्रान्सफर ५.७ प्रतिशतले कमी आई रु ४३३ अर्ब ९२ करोड पुगेको छ । अघिल्लो वर्षको सोही अवधिमा यस्तो ट्रान्सफर ८.५ प्रतिशतले बढेको थियो । रासस
हिमालय खबर -
- प्रधानमन्त्रीद्वारा राष्ट्रका नाममा सम्बोधन : सरकारका कामले जनतामा आशा र भरोसा बढेको छ (पूर्णपाठ)
- पाँचदेखि ११ वर्षसम्मका बालबालिकालाई खोपको अभियान छिट्टै : प्रधानमन्त्री देउवा
- सरकारका छ महिना : ऊर्जा क्षेत्रमा महत्त्वपूर्ण प्रगति
- सरकारका छ महिना : राजनीतिक स्थायित्वसँगै विकास, सुशासन र समृद्धितर्फ उन्मुख
- प्रधानमन्त्रीको राष्ट्रका नाममा सम्बोधन : निर्वाचनका पूर्वतयारीका कामहरू सम्पन्न गर्न आह्वान
- शुक्रबार २३ हजार परीक्षण गर्दा १० हजारभन्दा बढी सङ्क्रमित
- जापानमा ५ देखि ११ वर्षका बालबालिकालाई पनि फाइजर खोप लगाइने
- यमनी जेलमा भएको हवाई आक्रमणमा ‘१०० भन्दा बढी व्यक्ति’को मृत्यु
- भारतमा एकैदिन थप साढे तीन लाख सङ्क्रमित
- नेपालमा बसेर अमेरिकामा क्यासिनो गेम खेलाउने पक्राउ, अमेरिकामा बस्ने नेपालीको पनि संलग्नता रहेको आशंका
प्रतिक्रिया