अमेरिका समाचार

अमेरिकामा कोभिड १९ संक्रमितको संख्या रेकर्ड नम्बरमा

ओमिक्रोनवाट बालबालिका बढी जोखिममा, आइतवार कोभिड र मौसमा कारण कयौं उडान रद्द

प्रकाशित |
तस्बिर: सामाजिक संजाल
अमेरिका - टेक्सस डलासमा नेपाली परिवारले क्रिसमस जमघट आयोजना गरेको थियो । त्यस जमघटमा सहभागी कुनैलाई कोभिड १९ थियो त्यो अरुलाई पनि सर्यो । 
 
अमेरिकामा दुई साता यता कोभिड १९ संक्रमणको क्रम उच्च दरले वढेको छ । ५० मध्ये ४९ राज्यमा कोभिड १९ को संक्रमण तिव्र दरले उच्च रहेको सम्वद्ध निकायले जनाएको छ । 
 
केही दिन यता संक्रमण हुने नेपालीको संख्यापनि उल्लेख्य वढेको छ । तिनै चरणको खोप लगाएलाई समेत कोभिड संक्रमणमा परेका छन् । तर, अस्पतालनै जानु पर्ने नेपालीको संख्याभने कम छ । 
 
फ्लोरिडामा १५ दिन यताको औषत संक्रमण बृद्धिदर झण्डै १००० प्रतिशत छ । 
 
एक साता यताको तथ्यांक अनुसार औषतमा सातामा संक्रमण दर दैनिक झण्डै ४ लाख पुगेको छ । यो तथ्यांक पनि जसले जचाउंन गए त्यसका आधारमा राखिएको हो । विज्ञहरु कोभिडको संक्रमण दर अझ उच्च भएको वताउंछन् । 
 
डेल्टा पछि आएको नयां भेरियन्ट ओमिक्रोन भाइरसले गर्दा कोभिड संक्रमण दर बृद्धि भएको वताईको छ । ओमिक्रोन भाइरस एकवाट अर्कोमा निकै छिटो सर्ने भएकाले पनि संक्रमित वढेका हुन् । 
 
क्रिसमस, नयां बर्ष लगायतका कारणले मानिसहरुको जमघट, यात्रा बढेका कारण कोभिडपनि फैलिएको हो । पहिले ओमिक्रोन छिटो फैलिने भएपनि यसका लक्षण मध्यम खालको पर्ने वताईएको थियो । तर, यो पुष्टि भएको छैन । यसको प्रभाव कस्तो पर्छ अझै अध्ययनकै क्रममा भएको वताईएको छ । 
 
यो नयां भेरियन्ट ओमिक्रोनवाट बालबच्चा अझ जोखिममा रहेको वताईएको छ । बालबालिकामा संक्रमण हुने दर उच्च रहेको र यसले जटिलता पनि ल्याउन सक्ने वताईको छ । 
 
अमेरिकामा कोभिड १९ का कारण अस्पताल जानु पर्ने विरामीको संख्यापनि बढेको छ । औषतमा दैनिक ८८ हजार अस्पतालमा उपचारका लागि भर्ना भएका छन् । कोभिडका दैनिक औषतमा करिव १४ सयको मृत्यु भएको छ । 
 
कोभिड संक्रमण बढेका कारण हवाई उडानमा व्यापक असर देखिएको छ । अमेरिकामा कोभिड संक्रमण र मौसमका कारण आइतवार मात्र करिव २५ सय उडान रद्द भएका छन् । कयौं समयमा उड्न नसकेको संचारमाध्यमहरुले जनाएका छ ।
 
संक्रमणका कारण हवाई उडानमा संकलन कर्मचारीको अभावले कयौं उडान रद्द गर्नु परेको हो । आइतवार अमेरिकामा हवाई यात्रुको चाप वढ्ने दिन हो । क्रिसमस र नयां बर्ष सकिएकाले आइतवार गतव्यमा जान हवाई यात्रुको चाप वढेको हो । 
 
अमेरिकामा मात्र होइन विश्वभर हवाई उडान प्रभावित भएको जनाईएको छ । आइतवार मात्र विश्वभर करिव ४ हजार हवाई उडान रद्द भएका छन् । 
 
बालबच्चा भएका अभिभावकको सवैभन्दा चासो स्कुल पठाउने कि नपठाउने भन्ने छ । हिउदे विदा पछि यस सातावाट स्कुल खुल्दै छन् । केही स्कुलहरुले भने अनलाइनवाट पढाउने सार्वजनकि गरिसकेका छन् । 
 
कयौं स्कुलले अभिभावकलाई जस्तो सुकै परिस्थितिमा पनि तयार रहन सुचना पठाएका छन् । स्कुल बन्द वा छिटो छुट्टी हुन सक्ने, बस सेवा प्रभावित हुन सक्ने हुदां तयार रहन अभिभावकलाई सचेत गराईको छ । 


यो खबर पढेर तपाईलाई कस्तो महसुस भयो ?

प्रतिक्रिया