अमेरिका समाचार

नेपाली मूलका एक युवक गोली हानेको आरोपमा पक्राउ

प्रकाशित |
कोलम्बस (ओहायो) । ओहायोस्थित कोलम्बसको उत्तरी क्षेत्रमा नेपाली मूलका एक युवाले अर्का नेपालीलाई गोली हानेको आरोपमा स्थानीय प्रहरीले हिरासतमा लिएको छ । 
 
कोलम्बसको उत्तरी क्षेत्रमा पर्ने कारासन रोड ४००० ब्लकमा सोमबार करिब साढे चार बजेतिर उक्त घटना भएको थियो । 
 
स्थानीय सञ्चारमाध्यमले प्रहरीलाई उद्धृत गर्दै दिएको समाचारअनुसार उक्त घटनामा गोली चलाएको आरोपमा २५ वर्षीय सोम प्रसाईंलाई हिरासतमा लिइएको हो । 
 
प्रहरीले सार्वजनिक गरेको घटना विवरणअनुसार उक्त गोली प्रहारबाट करिब ३२ वर्षका युवक घाइते भएको र उनलाई गम्भीर अवस्थामा अस्पताल लगिएको थियो । 
घाइतेको अवस्था स्थिर भए पनि बाँच्ने अवस्था भने रहेको जनाइएको छ । आपसी विवादका कारण सो घटना भएको जनाइएको छ । 
 
घाइते र आरोपी अमेरिकामा पुर्नवास गराइएका नेपालमा बस्दै आएका भुटानी शरणार्थी भएको स्थानीयले जनाएका छन् । के कारणले विवाद भयो र आरोपितले गोली चलाए भन्नेबारे थप रहस्य खुल्न सकेको छैन । 
 
प्रहरीले घटनाको अनुसन्धान भइरहेको जनाएको छ । यस घटनासम्बन्धमा केही सूचना भए स्थानीय प्रहरीलाई उपलब्ध गराइदिनपनि अनुरोध गरिएको छ ।

हिमालयखबर संवाददाता

हिमालयखबर संवाददाता -

थप »

यो खबर पढेर तपाईलाई कस्तो महसुस भयो ?

प्रतिक्रिया