जोहानेसबर्ग । दक्षिण अफ्रिकाका वैज्ञानिकहरुले बिहीबार धेरै म्युटेसन भएको कोभिड–१९ नयाँ रूप पत्ता लागेको बताएका छन् । उनीहरुले दक्षिण अफ्रिकामा सङ्क्रमण सङ्ख्या बढ्नुलाई कोभिडको यही प्रकार दोषी रहेको बताएका छन् ।
“दुःखको कुरा, हामीले एउटा नयाँ विविधता भएको भाइरस पत्ता लगायौँ र यो नै दक्षिण अफ्रिकामा सङ्क्रमण दर बढ्नुको चिन्ताको कारण हुनसक्छ,” भाइरलोजिस्ट टुलियो डे ओलिभेराले पत्रकार सम्मेलनमा बताए । बी.१.१.५२९ वंश संख्या मानेको यो भेरिएन्टमा ‘धेरै संख्यामा उत्परिवर्तनहरू रहेको उनले बताए ।
दक्षिण अफ्रिकाबाट आएका यात्रुमाझ बोत्स्वाना र हङकङमा पनि यो पत्ता लागेको उनले बताए ।
स्वास्थ्य मन्त्री जो फाहल्लाका अनुसार विरामीमा देखिएको समस्याका पछाडि यो विविधता ‘गम्भीर चिन्ताको’ विषय भएको छ । दक्षिण अफ्रिकामा यस महिनाको सुरुतिर १०० जनाको दरमा दैनिक कोभिड सङ्क्रमित देखिएकोमा बुधबारको संक्रमण एक हजार २०० भन्दा बढी पाइएको छ ।
गत वर्ष दक्षिण अफ्रिकामा यो भाइरसको ‘बीटा’ भेरिउन्ट भेटिएको थियो यद्यपि अहिलेसम्म यहाँ संक्रमितहरूमा डेल्टा भेरिएन्ट नै बढी पाइएको थियो ।डेल्टा भेरिएन्ट सुरुमा भारतमा पत्ता लागेको थियो ।
अफ्रिका महादेशभरमा सबैभन्दा धेरै महामारीबाट प्रभावितको संख्या दक्षिण अफ्रिकामा छ, जहाँ लगभग २९ लाख ५० हजार सङ्क्रमित पुगेका छन् र त्यसमध्ये ८९ हजार ६५७ जनाको मृत्यु भएको छ । एजेन्सी
हिमालय खबर -
- आदिवासी जनजातिको हक संरक्षण र सांस्कृतिक पहिचानमा प्रतिबद्ध छु : प्रधानमन्त्री देउवा
- सङ्क्रमणबाट मृत्यु हुनेमध्ये ७५ प्रतिशत खोप नलगाएका
- बागमती प्रदेश मन्त्रिपरिषद्को निर्णय : दुई अध्यादेश जारी गर्ने
- सूचना आयोगद्वारा ३३ कार्यालय प्रमुखमाथि कारबाही
- गठबन्धन केबल दलका नेतालाई जिताउनका लागि मात्र होइन : सञ्चारमन्त्री कार्की
- निर्वाचनमा महिला सहभागिता बढाउन कानुन संशोधन गर्न सरकार तयार
- भ्रष्टाचार भएको भन्दै अख्तियारद्वारा एकैदिन पाँचवटा मुद्दा दर्ता
- आमनिर्वाचनलाई निष्पक्ष, भयरहित, विश्वसनीय र मितव्ययी बनाइनेछ : प्रमुख निर्वाचन आयुक्त
- एक हजारभन्दा बढी सङ्क्रमित थपिए, दुई जनाको निधन
- जापानको नागासाकी सहरमा आणविक बम विष्फोटको ७७ औँ वार्षिकी आयोजना
प्रतिक्रिया