मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

खेलकुद   

कोभिड खोप नलगाएका कारण ब्राजिलका राष्ट्रपति फुटबल हेर्नबाट वञ्चित

कोभिड खोप नलगाएका कारण ब्राजिलका राष्ट्रपति फुटबल हेर्नबाट वञ्चित


ब्राजिलिया । ब्राजिलका राष्ट्रपति जैर बोल्सोनारोले  कोभिडविरुद्धको खोप नलगाएकाले आफूलाई सान्तोस बनाम ग्रेमियो फुटबल म्याचमा प्रवेश निषेध गरिएको जानकारी दिएका छन् ।  
 
राष्ट्रपतिको प्रेससँगको कुराकानीको सार्वजनिक भिडियोमा राष्ट्रपतिले आफूमा खोप लगाएकामा भन्दा बढी इन्टिबडी भएको दाबी गरेका छन् । उनले भने, किन खोप कार्ड चाहियो ? किन पासपोर्ट चाहियो ? म केवल खेल हेर्न चाहन्छु ।
 
स्थानीय सञ्चारमाध्यमले जनाएअनुसार राष्ट्रपति बोल्सोनारो हाल साओ पाउलोमा बिदामा रहेका छन् । ब्राजिलका नेताले कोरोनाभाइरस विरुद्धको खोपप्रति शंका व्यक्त गर्ने गरेका छन् । त्यहाँ उल्लेख्य मात्रामा खोप लगाइएको पनि छैन । 
 
उनी जुलाई २०२० मा कोरोनाभाइरसबाट सङ्क्रमित भएका थिए । केही हप्ता क्वारेन्टिनमा बसेपछि नियमित काममा फर्किएका थिए । राष्ट्रपति बोल्सोनारो जो लकडाउनको एक कट्टर विरोधी पनि हुन् जसले मास्कसमेत लगाउने गरेका छैनन् । एजेन्सी