एनआरएन विशेष

परराष्ट्रको जवाफले एनआरएनएमा भद्रगोल, चुनाव अन्यौलमा

प्रकाशित |
अमेरिका - गैर आवासिय नेपाली संघ (एनआरएनए) सम्मेलन र चुनाव अन्यौलमा परेको छ । परराष्ट्र मन्त्रालयले  एनआरएनए सम्मेलनमा सहभागी र भोट हाल्न पाउने डेलिगेटको विवाद, केही देशका राष्ट्रिय समन्वय परिषदका सदस्यता विवाद पल्टाएर फेरी चुनाव गर्न भनेपछि अन्यौल भएको हो । 
 
परराष्ट्र मन्त्रालयको निर्देशनले यस अघिनै विवादमा परेको एनआरएनएमा भद्रगोलको स्थिति आउने देखिएको छ । एनआरएनए नेपालको परराष्ट्र मन्त्रालयमा दर्ता भएको संस्था हो । अव चुनाव कहिले हुन्छ यो स्पष्ट छैन । आईसीसीको वर्तमान कार्यसमितिको अवधि अक्टोबरमा सकिदैन छ । विद्यानमा यो अवधि ६ महिना सम्म थप्न सक्ने व्यवस्था छ । 
 
डेलिगेट छनौटमा अनियमितता भएको दावी गर्दै केही व्यक्तिले परराष्ट्रमा उजुरी गरेका थिए । यसको जवाफमा परराष्ट्रले यस्तो निर्णय गरेको थियो । परराष्ट्र मन्त्रालयको पत्रमा के भनिएको छ, यो सार्वजनिक भएको छैन । 
 
परराष्ट्रको पत्रले धेरै सदस्य रहेको एनसीसीको चुनाव रद्द हुन्छ, हुदैन भन्ने समेत वहस शुरु भएको छ । ६५ प्रतिशत डेलिगेट पुरानो कार्यसमितिले गर्नु पर्छ भन्ने विद्यानमा व्यवस्था नभएको परराष्ट्रको पत्रमा उल्लेख भएको बताईएको छ । पत्रमा विदेशमा पढ्ने नेपाली विद्यार्थी एनआरएनएको सदस्य भनेका छन् भने उनीहरुलाई हटाएर फेरी चुनाव गर्न भनिएको छ । पत्रको आशय नेपाल सरकार विदेशमा पढ्ने नेपाली विद्यार्थीलाई कुनै पनि स्थितिमा एनआरएनए अभियानमा सहभागी नगराउन भन्ने रहेको देखिन्छ । 
 
विद्यार्थी सदस्य भएको अवस्थामा नवनिर्वाचित कार्यसमिति खारेज गर्ने आशय देखिन्छ । 
 
वर्तमान कार्यसमिति आएपछि एनआरएनएमा एक पछि अर्को विवाद आएका थिए । यो पत्र प्राप्त भएपछि अव के गर्ने भन्ने विषयमा आईसीसीका पदाधिकारी पनि स्पष्ट छैनन् । पदाधिकारीको औपचारिक बैठक राखेर निर्णय गरिने बताईएको छ । 
 

यो पनि पढ्नु होला>> आन्तरिक राजनीतिको गोटी बनाइदैछ एमसिसीलाई । जनताबीच एक आपसमा लडाउने र भीडाउने हतियार बनाइदैछ एमसिसीलाई -रामचन्द्र भट्ट


यो खबर पढेर तपाईलाई कस्तो महसुस भयो ?

प्रतिक्रिया