प्रवास

उत्तर कोरियाद्वारा घातक युरेनियमयुक्त आणविक भट्टी विस्तार गरेको प्रमाण भेटियो

प्रकाशित |
प्योङयाङ । उत्तर कोरियाले योङवायोन आणविक क्षेत्रमा युरेनियमयुक्त भट्टी विस्तार गरेको स्याटलाईट तस्बिरमा देखिएको छ । उत्तरका पछिल्ला गतिविधिले बम र अन्य घातक बिस्फोटक सामाग्री उत्पादनलाई तीव्रता दिएको विज्ञहरुले बताएका छन् । 
 
उत्तरले गत साता एउटा शक्तिशाली मिसाईल परीक्षण गरेको थियो । ६ महिनामा पहिलो पटक गरेको सो परीक्षणपछि कोरियाली प्रायद्वीपमा तनाव छ ।  ‘आणविक भट्टीको विस्तारले योङवायोन क्षेत्रमा उत्तर कोरियाले युरेनियम प्रयोग हुने घातक हतियार विस्तार गरेको देखिन्छ,’ क्यालिफोर्नियाको मिडलबरी इन्स्टिच्युट अफ इन्टरनेसनल स्टडिजका जेफ्री लिविस भन्छन् । 
 
म्यासर कम्पनीले उपलब्ध गराएको स्याटलाईट तस्बिरअनुसार योङवायोनमा जोडिएको एउटा क्षेत्रमा युरेनियमयुक्त भट्टी निर्माण भइरहेको छ । 
 
१ सेप्टेम्बरमा लिइएको सो तस्विरमा उत्तर कोरियाले रूख फाँडेर भट्टी निर्माण गर्न मैदान तयार गरेको देखाएको थियो । तस्बिरमा एक्जाभेटरका तस्बिरसमेत प्रष्ट देखिएको थियो । 
 
त्यस्तै, १४ सेप्टेम्बरमा लिइएको दोस्रो तस्बिरमा सो क्षेत्र वरपर एउटा अग्लो पर्खाल ठडाइएको देखिन्छ । भट्टी निर्माण गर्न थालिएको नयाँ क्षेत्र एक हजार वर्ग किलोमिटर क्षेत्रमा फैलिएको छ । एजेन्सी
 

यो पनि पढ्नु होला>> आन्तरिक राजनीतिको गोटी बनाइदैछ एमसिसीलाई । जनताबीच एक आपसमा लडाउने र भीडाउने हतियार बनाइदैछ एमसिसीलाई -रामचन्द्र भट्ट


यो खबर पढेर तपाईलाई कस्तो महसुस भयो ?

प्रतिक्रिया