अमेरिका- एनआरएनए एनसीसी अमेरिकाको नयां नेतृत्वका लागि शनिवार र आइतवार हुन लागेको निर्वाचनको सम्पुर्ण तयारी पुरा भएको निर्वाचन समितिले जनाएको छ । 

 

हामी पुरा तयारीमा छौं निर्वाचन समिति संयोजक विश्व बरालले भने भोलि विहान ८ बजे देखि चुनाव शुरु हुन्छ । 

 

यो चुनावले एनआरएनए अमेरिकाको अगामी दुई बर्षका लागि नेतृत्व चयन गर्ने छ । आईसीसी सदश्य र च्याप्टरमा समेत चुनाव हुदैंछ । चुनावमा ४ सय भन्दा वढी उम्मेदवार छन् । एनआरएनए अमेरिकामा करिव २० हजार मतदाता छन् । चुनाव प्रकृयालाई पारदर्शी वनाउन संयोजक बरालले आईसीसी पदाधिकारीलाई समेत प्रकृयाका वारेमा जानकारी गराएका छन् । 

 

आईसीसी अध्यक्ष कुमार पन्त आईसीसीका केही पदाधिकारीले सवै चुनावी प्रकृयाको वारेमा जानकारी लिएका थिए । आईसीसी उपाध्यक्ष सोनाम लामाले पनि यो चुनावलाई नजिक वाट परिवेक्षण गरिरहेका छन् । आईसीसीले पनि सोनामलाई साथमा लिएर जान सुझाव दिएको थियो । 

 

निर्वाचन समितिले अस्थायी कार्यालय वनाएको न्यूयोर्कमै रहेका उपाध्यक्ष सोनाम लामालाई निर्वाचनको प्रकृयाको वारेमा सवै जानकारी गराईएको छ । उपाध्यक्ष लामाले निर्वाचन समितिलाई केही जिज्ञासा समेत राखेका थिए । उपाध्यक्ष लामाले चुनाव प्रकृयाका वारेमा सम्पुर्ण जानकारी लिई नजिक वाट हेरिरहेको वताईएको छ । यसवाहेक आईसीसीले तोकेका निर्वाचन परिवेक्षक कमल सत्याल पनि न्यूयोर्कनै पुगेका छन् । 

 

निर्वाचन संयोजक बरालले चुनावी प्रकृया पुर्ण पारदर्शी र स्वच्छ हुने दावी गरे । म मेरा जिम्मेवारी प्रति पुर्ण प्रतिवद्ध छु बरालले भने चुनाव स्वच्छ र पारदर्शी हुनुपर्छ यसमा म नै कठिवद्ध छु । सकेसम्म एउटा डिभाईसवाट एउटामात्र भोट हालिदिन पनि बरालले अनुरोध गरेका छन् । एउटै डिभाईवाट धेरै भोट नहाल्न उनको अनुरोध छ । 

 

विगतमा चुनाव हार्नेले अनावश्यक विवाद निकाल्ने गरेका थिए । अदालतमा समेत गएका थिए । तर, हारे ।