मन्डलाया । म्यानमारको दोस्रो सबैभन्दा ठूलो सहरमा शनिबार सुरक्षाकर्मीद्वारा चलाएको गोली लागी कम्तीमा दुई व्यक्तिको मृत्यु भएको छ । म्यानमारको सङ्कट व्यवस्थापन अधिकारीले एएफपीसँगको कुराकानीमा सुरक्षा कारबाहीमा दुई व्यक्तिको मृत्यु भएको पुष्टि गरेका छन् ।
“आक्रोशित प्रदर्शनकारीहरूको भीडमाथि नियन्त्रणका लागि गोली चलाउनु परेको उक्त घटनामा दुई व्यक्तिको मृत्यु भएको छ भने करिब ३० जना घाइते भएका छन्,” मन्डलायास्थित स्वयम्सेवी आपतकालीन उद्धार टोलीका प्रमुख ह्लाइंग मिन ओओले भने । घाइतेमध्ये अधिकांश व्यक्तिलाई प्रहरीले सीधै गोली हानेको प्रत्यक्षदर्शीहरूले बताए । मृतकमध्ये एक जना किशोर रहेको र उनको टाउकोमा गोली लागेको ओओले बताए ।
एक अर्का स्वयम्सेवी उद्धारकर्ताले पनि समाचार तयार पार्दासम्म मृत्यु भएकाको सङ्ख्या दुई पुगेको पुष्टि गरे । म्यानमारमा केही हप्ता पहिले निर्वाचित सरकारलाई सैनिक ‘कू’ मार्फत् हटाएर सेनाको नेतृत्वमा प्रशासनिक कामलाई अघि बढाइएको छ । एजेन्सी
हिमालय खबर -
- एनआरएनए अमेरिकाको आगामी निर्वाचनमा टेक्ससका कृष्ण लामिछानेको उम्मेदवारी घोषणा कार्यक्रम
- संसद्लाई पुनःक्रियाशील तुल्याउन योगदान गरेकामा सभामुखको बधाई
- निर्मला पन्तका हत्यारालाई कानुनी दायरामा ल्याइने
- प्रतिपक्ष र दाहाल–नेपाल समूहद्वारा सदनमा अवरोध
- नेपाल कम्युनिस्ट पार्टी (नेकपा) पूर्वावस्थामा रहेको अदालतको ठहर
- प्रधानमन्त्री ओलीले लगाए कोरोनाविरुद्धको खोप
- कोरोना संक्रमणबाट विदेशमा दुई नेपालीको निधन
- सरकारमा जाने नजाने महत्त्वपूर्ण कुरा होइन : नेता बाँस्तोला
- ब्राजिलमा कोरोनाका कारण एकै दिनमा १५ सयको मृत्यु
- नेकपा खारेज गर्ने सर्वोच्चको फैसला, एमाले र माओवादी केन्द्र व्युँतियो (फैसलासहित)
प्रतिक्रिया