ड्यालस(अमेरिका) – टेक्सस नेप्लिज मेडिकल एसोसिएसन र नेपाली समाज टेक्ससको संयुक्त आयोजनामा आउँदो आइतबार निशुल्क कोभिड–१९ परिक्षण शिविर सञ्चालन हुने भएको छ । 

 

आउँदो जनवरी ३१ तारिक आइतबार बिहान १० देखि दिउँसो १ बजेसम्म नेपाली मन्दिर अर्भिङमा निशुल्क कोभिड परिक्षण शिविर हुने भएको छ । यो शिविरमा परिक्षण निशुल्क हुने भएकोले पहिलेनै रजिष्ट्रेसन गर्नुपर्ने र फोटो सहितको परिचयपत्र अनिवार्य रुपमा लिएर जानुपर्ने जनाइएको छ । 

 

परिक्षण गर्न चाहनेले रजिष्टर्ड नर्स कमला अधिकारी, राज श्रेष्ठ र सुवासिनी खाँडसँग सम्पर्क राखेर नाम दर्ता गर्नका लागि आयोजकले आग्रह गरेका छन् । परिक्षण गर्न चाहनेले अनिवार्य रुपमा मास्क लगाएर आउनुपर्ने र परिक्षण ड्राइभ–थ्रु (गाडीबाटै) हुने पनि जनाइएको छ । पिसिआर विधिबाट गरिने टेस्टको नतिजा आउन २ देखि ३ दिन लाग्ने जनाईएको छ ।