काठमाडौँ । नेपालमा सोमबार १९८० जनामा कोरोना संक्रमण पुष्टि भएको छ । यससँगै कोरोना संक्रमितको कुल संख्या २ लाख २२ हजार २ सय ८८ पुगेको छ ।
स्वास्थ्य तथा जनसंख्या मन्त्रालयले अद्यावधिक गरेको विवरणअनुसार सोमबार थप १६ सहित १३३७ जनाले ज्यान गुमाएका छन् ।
पछिल्लो २४ घन्टामा थप ३०४३ जना उपचारपछि निको भएर घर फर्किएका छन् । योसँगै निको भएर घर फर्किनेको कुल संख्या २ लाख २ हजार ६७ पुगेको छ । जुन कुल संक्रमितको ९०.९० प्रतिशत हो ।
काठमाडौँ उपत्यकामा थप १००७ जना संक्रमित थपिएका छन् । काठमाडौँका ७७९, ललितपुरका १४३ र भक्तपुरका ८५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
हालसम्म उपत्यकाभित्र संक्रमित हुनेको संख्या १ लाख ३ हजार ८३० पुगेको छ । जसमा काठमाडौँमा कुल ८३ हजार ८२२, ललितपुरमा १२ हजार ५११ र भक्तपुरमा ७ हजार ४९७ जना रहेका छन् ।
मोरङ, सिरहा, ललितपुर, काठमाडौँ, चितवन, भक्तपुर र रुपन्देहीमा पाँच सय बढी सक्रिय सङ्क्रमित रहेका छन् । ७७ जिल्लामध्ये कोभिड–१९ शून्य भएको जिल्ला मनाङ मात्र रहेको छ ।
स्वास्थ्य मन्त्रालयको विवरणअनुसार पछिल्लो २४ घन्टामा देशभरका प्रयोगशालामा थप १० हजार ३८१ जनासहित हालसम्म १६ लाख ७० हजार ४५६ जनाको पिसिआर विधिबाट परीक्षण गरिएको छ । हाल देशभरका क्वारेन्टाइनमा ६२९ जना र आइसोलेसनमा १८ हजार ८८४ जना रहेका छन् ।
हिमालयखवर संवाददाता -
- पावरबल र मेगामिलियनको पुरष्कार राशी ५० करोड डलर भन्दा माथि
- नेपाली समाज टेक्सासद्वारा संचालित अनलाईन स्कूल संसारभरिकै निमित्त खुल्ला
- अमेरिकाको संसद भवन क्यापिटल हिलमा हंगामा
- अमेरिकामा पनि शक्तिशाली कोभिड-१९ भाइरस देखा पर्यो
- अमेरिकीहरूले फेरि सरकारबाट पाउने भए ६ सय डलर
- संसद् विघटन गरी ताजा जनादेशमा जाने निर्णयप्रति प्रवासी नेपाली एकता मञ्चको स्वागत
- एनआरएनएद्वारा भरतपुर महानगरलाई रगत संकलनका लागि घुम्ती बस सहयोग
- रक्त संकलन बस हस्तान्तरण
- एएनएको नेतृत्वमा टेक्ससका भट्टराई निर्वाचित
- शुक्रबार १०४४ जनामा कोरोना संक्रमण, १२७१ जना डिस्चार्ज, थप ११ जनाको मृत्यु
प्रतिक्रिया