काठमाडौँ । जाजरकोटको जुनिचाँदे गाउँपालिका १ ओलभीरमा भे १ ज ९३५ नम्बरको जिप दुर्घटना हुँदा छ जनाको मृत्यु भएको छ ।
मृत्यु हुनेमा वडा नं ११ का वडाध्यक्ष अमरबहादुर शाही, कृति शाही, खिमबहादुर शाही, वडा नं ५ की मालिका बस्नेत, कृष्णबहादुर शाही र बुद्धिबहादुर शाहीको मृत्यु भएको सहायक प्रमुख जिल्ला अधिकारी रामचन्द्र रेग्मीले जानकारी दिए ।
दुर्घटनामा एक जना पानीमा बेपत्ता भएका छन् । जुनिचाँदे गाउँपालिकाको कार्यपालिकाको बैठकका लागि सदरमुकाम खलंगाबाट पराले जाँदै गरेको जिप दुर्घटना परेको हो ।
जिपमा सवार जुनिचाँदे ११ का नरबहादुर बुढा घाइते भएका छन् । जिप ओलभीरस्थित सडकबाट ७०० मिटर तल मजकोट खोलामा खसेको कर्णाली प्रदेशका प्रहरी प्रमुख डिआइजी वसन्तकुमार पन्तले जानकारी दिए ।
प्रतिक्रिया