लन्डन । बेलायतमा फेरि पनि कोभिड १९ का सङ्क्रमितहरुको संख्या झन् बढ्न थालेको छ । लन्डनबाट प्राप्त पछिल्लो समाचारअनुसार बेलायतमा गएको २४ घन्टा यतामात्र करिब १२ हजार ८७२ जना कारोना भाइरसका नयाँ संक्रमित फेला परेका छन् ।
यो संख्या बेलायतमा भेटिएका कोरोनाका संक्रमितहरुको पछिल्ला केही दिनयताको भन्दा करिब दोब्बर भएको यहाँका स्वास्थ्य क्षेत्रका अधिकारीहरुले जानकारी दिएका छन् ।
गएको शुक्रबार मात्र यहाँ ७ हजार १४३ जना संक्रमित भेटिएकोमा यहाँ गएको २४ घन्टाभित्र मात्र अघिल्लो दिनको भन्दा झण्डै दोब्बर संख्यामा संक्रमित भेटिएका हुन् ।
तर पनि यहाँका स्वास्थ्य अधिकारीहरुले प्राविधिक कारणले यो संख्या बढी देखिएको र यसअघिका दिनहरुमा यो संख्या समावेश नगरिएकोले शनिबार अहिलेसम्मकै सबैभन्दा बढी देखिएको बताइएको छ ।
यहाँ हरेक दिन ठूलो संख्यामा नयाँ सङ्क्रमितहरु थपिएका बताइएको छ । यहाँ अहिलेसम्मका सङ्क्रमितको संख्या ४ लाख ८० हजार १७ जना पुगेको छ ।
केही समययतादेखि देखिएका यहाँका संक्रमितहरुमा शनिबार अकस्मात ठूलो संख्यामा देखिएकोले यसले अब यहाँ पनि सङ्क्रमितको संख्या बढ्दै जाने हो कि भन्ने डर बढाएको छ ।
लन्डनमा कोभिड १९ को अवस्था सामान्यजस्तो देखिएकोले यहाँको जनजीवनलाई पनि सामान्य बनाइएको थियो । तर पनि गएका केही हप्तादेखि यहाँ ठूलो संख्यामा संक्रमितहरु देखिएका छन् ।
बेलायतमा यो सङ्क्रमणको दोस्रो लहर आएको बताइएको छ । त्यसैले यहाँका कतिपय सार्वजनिक सेवाहरुमा पनि कडाई गरिएको बताइएको छ ।
एएनआई -
- विश्वभर कोरोना सङ्क्रमितको संख्या चार करोड ५९ लाख नाघ्यो
- शुक्रबार ३५१७ जनामा कोरोना पुष्टि, ४०९६ जना डिस्चार्ज
- कोरोना संक्रमणबाट थप १४ सहित ८७६ जनाको मृत्यु
- भारतमा तीन महिनापछि सबैभन्दा थोरै सङ्क्रमित
- नयाँदिल्लीको वायु ‘अति प्रदूषित’ अवस्थामा
- अमेरिकी सर्वोच्च अदालतको न्यायाधीशमा ब्यारेट नियुक्त, शपथ ग्रहण पनि सम्पन्न
- विश्वमा कोभिड-१९ सङक्रमितको संख्या चार करोड २५ लाख नाघ्यो
- नवरात्रको आठौँ दिन महागौरीको पूजाराधना गरिँदै
- ‘नागरिकको जीवनप्रति सरकार जिम्मेवार बनोस्’ : नेता जोशी
- चितवनमा एकैदिन कोरोना सङ्क्रमणबाट तीन जनाको मृत्यु
प्रतिक्रिया