अमेरिका समाचार

राजदुत डा कार्की जाने, डा खतिवडा आउने

प्रकाशित |

अमेरिका- नेपालले अमेरिकाका लागि नेपाली राजदुतमा डा युवराज खतिवडालाई पठाउने निर्णय गरेको छ । मन्त्रिपरिषदको पछिल्लो बैठकले पुर्व अर्थमन्त्री डा खतिवडालाई अमेरिकामा राजदुत वनाएर पठाउन लागेको हो । 

डा खतिवडा प्रधानमन्त्री केपी ओली निकट मानिन्छन् । ओली निकट भएकाले नै खतिवडाले पटक पटक आकर्षक पद पाउंदै आएको भन्दै नेपालमा आलोचनापनि भएको छ । 

खतिवडाले अर्थमन्त्री हुनु राष्ट्रिय योजना आयोगको उपाध्यक्ष, राष्ट्र बैंक गभर्नर जस्ता पदमा नियुक्ती पाएका थिए । प्रकृया पुरा गरेपछि खतिवडाले वासिंटनमा डा अर्जुन कार्कीको स्थान लिने छन् । 

डा कार्कीलाई अर्थमन्त्री र युवराजलाई राजदुत वनाउने भन्ने चर्चा पहिले देखिनै थियो । यो चर्चा आधा सत्य भएको छ । डा कार्की नेपाल फर्किएर अर्थमन्त्री वन्लान ? यो त्यत्ति सजिलो भने छैन । 

डा कार्की पनि ओली निकट मानिन्छन् । गैर सरकारी संस्था चलाएर एमालेलाई गुन लगाएको आधारमा कार्की ओली निकट भएकाले थिए । यही भएर उनले अमेरिकाको राजदुत हुने मौका पाए । तर, राजदुतका रुपमा कार्कीको कार्यकाल औषत रह्यो । नेपाल अमेरिका विचको समवन्ध विस्तारमा कार्कीले खासै योगदान दिन सकेनन् । 

केही महिना अघि नै डा कार्कीको कार्यकाल सकिएको थियो । तर, कोरोना भाइरसका कारण उनी फिर्ता भएका थिएनन् । 

आर्थिक क्षेत्रमा लामो समय काम गरेकाले खतिवडाले वासिंटनमा मुख्य कार्यालय रहेका विश्व बैंक र अन्तराष्ट्रिय मुद्राकोषसंग समन्वय गर्न सक्छन् । तर, खतिवडा अर्थमन्त्रीका रुपमा भने सफल हुन सकेनन् । नेपालको निजी क्षेत्रसंग पनि उनी मिल्न सकेनन् । अर्थमन्त्रीका रुपमा उनले लचिलो हुन सकेनन् । यो अवस्थमा अमेरिका वस्ने नेपाली समुदायका लागि उनले कति समन्वयकारी भुमिका खेल्न सक्छन् यो भने प्रश्न नै छ । तस्बिर : सामाजिक संजाल 

 


हिमालयखवर संवाददाता

हिमालयखवर संवाददाता -

थप »

यो खबर पढेर तपाईलाई कस्तो महसुस भयो ?

प्रतिक्रिया