अमेरिका– सगुनको शेयरमा पैसा हाल्ने लगानीकर्ताले नाफा होइन सावांपनि माया मार्दा हुने समाचार सार्वजनिक  भएको छ । 

खोज पत्रकारिता केन्द्रले हालै सार्वजनिक गरेको समाचार अनुसार सगुनले हज्जारौ नेपालीलाई झुक्याएको र कम्पनी अहिले टाट उल्टिने अवस्थामा पुगेको छ । 

गुगल र फेसबुक जस्तो कम्पनी हुन सक्ने भन्दै विदेशमा वस्ने नेपालीलाई सुगनले आफ्नो शेयर विक्री गरेको थियो । सगुनले शेयर विक्री गरेर पैसा उठाउन गैर आवासीय नेपाली संघ, वासिंटन स्थित नेपाली राजदुत अजुर्न कार्की लगायतलाई उपयोग गरेको थियो । 

अमेरिकामा दर्ता भएको सुगनको शेयरमा लगानी निकै जोखिम युक्त रहेको, यो शेयर स्टक एक्स्चेञ्जमा किनवेच हुन नसक्ने जस्ता विषयमा हिमालयखवरले पटक पटक समाचार मार्फत सचेत गराएको थियो । 

नयां पत्रिका यसै साता महत्वकासाथ छापेको सगुनको समाचारमा नेपाली भावना माथि सगुनले बैगुन गरेको उल्लेख छ । 

प्रवासी नेपालीवाट ५५ करोड उठाएको कम्पनी एक रुपैंया आम्दानी नगरी एक अर्ब घाटामा पुगेको समाचारमा उल्लेख छ । उक्त समाचार खोपकेका लागि प्रवेश सुवेदी र उमेश श्रेष्ठले लेखेका हुन् । 

नयां पत्रिकाले छापेको समाचार अनुसार सगनुले विदेशमा वस्ने नेपालीवाट शेयर मार्फत झण्डै ५५ करोड रुपैंया उठाएको थियो । यसमा अमेरिकामा पनि कयौं नेपालीले सगुनमा लगानीगरेका छन् । 

सगुनले गैर आवासीय नेपाली संघ अमेरिकाको मञ्चपनि पटक पटक शेयर विक्रीका लागि उपयोग गरेको थियो । एनआरएनए अमेरिकाका पुर्व अध्यक्ष डा केशव पौडेल अहिले पनि सगुनका सल्लाहकार छन् । 

एनआरएनएले गर्ने विभिन्न कार्यक्रममा सगुनले कम्पनीको प्रचार प्रसारका लागि केही समय लिने गरेको थियो । यस बापत सगुनले ति कार्यक्रम आयोजना गर्न केही पैसा दिने गरेको थियो । 

एनआरएनए अमेरिकालाई मात्र होइन एनआरएनए केन्द्रिय नेतृत्वलाई समेत सगुनले आफ्नो पक्षमा प्रचार गर्न उपयोग गरेको थियो । वर्तमान अध्यक्ष कुमार पन्त, पुर्व अध्यक्ष भवन भट्ट लगायतले सगुनका पक्षमा अभिव्यक्ति दिएका थिए । 

वासिंटन स्थित नेपाली राजदुत डा अजुर्न कार्कीले पनि सगुनको गुनगान गर्दै अभिव्यक्ति दिएका थिए । सुगनले युरोप लगायत कयौं देशमा शेयर विक्रीका लागि एनआरएनएलाई उपयोग गरेको थियो ।

सगुनको यो प्रकरणमा एनआरएनए अमेरिका र केन्द्र दुवै मौन छन् । 

अमेरिकामा जब्स एक्ट अन्तर्गत सगुनले सेक्यूरिटीज बोर्डमा दर्ता भई मिनी आईपिओ अर्यात शेयर निष्काशनको अनुमति पाएको थियो । यस अनुसार शेयर निष्काशन गर्ने कम्पनी स्टक एक्सेञ्जमा दर्ता हुन योग्य हुदैंनन् । यस्तो कम्पनीमा लगानी गर्नु निकै असुरक्षित हुने भएकाले आम्दानीको १० प्रतिशत मात्र लगानी गर्न पाइन्छ । 

कम्पनी अरर्बौको मूल्यांकन गरेर शेयर निष्काशन गर्दा सगुनको मुख्य कार्यालय अमेरिकाको भजिर्निया स्थित गोविन्द गिरीको घरको तल्लो तलामा थियो । गिरी कम्पनीका अध्यक्ष हुन् । उनको अध्ययनको बारेमापनि विवाद उठेको थियो । 

सगुनले लसएञ्जलस स्थित पशुपती फाउण्डेशन लगायत केही संस्थालाई सित्तैमा शेयर दिने आवश्वासन पनि दिएको थियो । तस्बिर: सामाजिक संजाल