लबक (टेक्सस) – गैर आवासीय नेपाली संघ (एनआरएनए) अमेरिका अन्तरगतको टेक्सस च्याप्टरले आउँदो फेब्रुअरी २९ मा लबक सिटीमा दुई विषयलाई लिएर विशेष कार्यक्रम गर्ने भएको छ । लबक नेपाली समाज र एनआरएन टेक्सस च्याप्टरको संयुक्त आयोजनामा कार्यक्रम हुन लागेको हो ।
‘भिजिट नेपाल–२०२०’ र अमेरिकामा हुन लागेको जनगणनाका बारेमा नेपाली समुदायलाई जागरुक बनाउने उद्वेश्यले यो कार्यक्रम गर्न लागिएको च्याप्टर सचिव सोफिन थापाले जानकारी दिए । टेक्ससको उत्तर–पश्चिममा पर्ने लबक सिटी नेपालीहरुको बाक्लो बसोबास रहेको स्थान हो । जहाँ नेपाली सोसाइटी लबक पनि कृयाशील छ ।
सो कार्यक्रमका लागि एनआरएन अमेरिकाका पदाधिकारी पनि लबक पुग्ने योजनामा छन् । लबक ड्यालसबाट साढे तीनसय माइलको दुरीमा छ ।
२९ तारिक शनिबार बेलुकी ४ बजे लबकको सेन्टरप्लाइन्ट इभेन्ट सेन्टरका कार्यक्रम हुने जनाइएको छ ।
प्रतिक्रिया