हिमालयखवर संवाददाता-
अमेरिका । गैर आवासिय नेपाली संघ एनसीसी अमेरिकाका तीन जना अध्यक्ष पदका उम्मेदवार सुनिल शाह, सुर्य लम्साल र संजय थापा मध्ये नतिजा कसको पक्षमा आउंछ सोमवार विहानसम्म यो स्पष्ट हुने छ ।
तर, आइतवार दिउसोसम्मको अवस्थाले अध्यक्षपदमा सुनिल शाह बलियो देखिएका छन । जुन रुपमा मत खासिरहेको छ त्यस आधारमा सुनिलको जित्ने संभावना वढी छ । सुनिलले टेक्सस, क्यालिफोर्निया लगायतका राज्यमा बलियो पडक देखाएका छन् । न्यूओर्कमा सुनिल केही कमजोर देखिएपनि त्यहां सुनिल र संजयलाई मत बाडिंदा सुनिलको जित्ने संभावना वढेर गएको हो । सुनिल एक बर्ष अघि देखि लगातार विभिन्न राज्यमा पुगेका थिए यसले पनि उनलाई भोट पाउन सजिलो भयो । सुनिल संस्थापन पक्षका उम्मेदवार हुन् ।
सुनिलले टेक्ससमा आफ्नो समुहलाई चुनावसम्म कायम राख्न सक्दा पनि उनको संभावना वढेको छ । हिमालयखबरसंगको कुराकानीमा उनी जित्नेमा वढी ढुक्क देखिएका छन् ।
अध्यक्ष पदका उम्मेदवार सुर्य लम्सालले निष्पक्षरुपमै चुनाव भईरहेको जस्तो लागेको वताए । मलाई त मेरो अवस्था बलियोजस्तै लाग्छ हिमालयखवरसंग उनले भने । संजय थापाले पनि निर्वाचनमा सम्मानजनक मत पाउने देखिएको छ र्। यो निर्वाचनले अमेरिका भरी नेटवर्क वनाउन थापा सफल भएका छन् ।
यो निर्वाचनमा एउटै प्यानलले जित्ने संभावना भने कम छ । मतदाताले वरिष्ठ उपाध्यक्ष लगायतका पदमा प्यानल भन्दा वाहिर गएर मत हालेका छन् ।
विशेष गरी वरिष्ठ उपाध्यक्ष पदमा अमृत सापकोटा र डा अर्जुन बञ्जाडे विच चर्को प्रतिस्पर्धा छ । केही मत अन्तरमा हार जित हुने संभावना छ ।
महासचिवमा पनि सानो मतको फरकले हारजित हुन सक्छ । सचिवमा अमृतबाबु कट्टेल बलिया देखिएका छन् । तर, प्रतिस्प्र्धा भने छ ।
यो चुनावमा भोट एकै ठाउंमा वसेर हाल्ने देखि फोन गरेर भोटका लागि आग्रह गर्ने क्रम चलिरहेको छ ।
नेपाल लगायत अमेरिका वाहिर हुनेहरुलाई भने मत हाल्न कठिन भएको छ ।
प्रतिक्रिया