हिमालयखवर संवाददाता

अमेरिका- पत्नीको उपचारका लागि निजी भ्रमणमा अमेरिकामा रहेका नेपालका पुर्व प्रधानमन्त्री पुष्पकमल दाहाल ‘प्रचण्ड‘ लाई आतंककारी भन्दै पक्राउ गर्न उजुरी परेको दावी गरिएको छ ।

 

एकजना नेपाली विद्यार्थी तिलक श्रेष्ठले यस्तो उजुरी गरेको सामाजिक सञ्जाल मार्फत आएको छ । सामाजिक संजालमा उनको उजुरी पत्र सार्वजनिक भएपनि यो प्रकृयासंगत उजुरी हो वा होइन यो पुष्टि भएको छैन । अमेरिकी सरकारको सम्वद्ध निकायले उजुरी परेकोवारेमा कही कतै पुष्टि गरेको छैन ।

 

अमेरिकी सरकारले पूर्वप्रधानमन्त्री दाहाललाई अमेरिकामा नो इन्भेष्टिगेशन सर्कुलर जारी गरेको छ । यो अमेरिकाले विशेष परिस्थितिमा जारी गर्ने परिपत्र हो । यसले सम्वद्ध निकायलाई उक्त व्यक्तिमाथि कुनै अनुसन्धान नगर्न निर्देशन जारी भएको हुन्छ । यो परिपत्रले अमेरिकामा पर्ने कुनै पनि कानुनी झमेलाको सामना गर्नु नपर्ने तर्क पनि भैरहेको छ । 

 

परिवारका सदस्य सहित अमेरिका आएका दाहाल अहिले राजदुतको पाहुनाका रुपमा वासिंङ्गटन डिसी स्थित नेपाली नियोगमा बसेका छन् ।

 

दाहाल दम्पित्तको यो पहिलो अमेरिका भ्रमण भने होइन । यस अघि पनि दाहाल अमेरिका आएका थिए । नेपालमा पहिलो संबिधान सभाको चुनावमा सबैभन्दा बढी सिट जितेपछि सन् २००९ मा प्रचण्ड प्रधानमन्त्री भएका थिए । त्यतिखेर उनी राष्ट्रसंघीय महासभामा सहभागी हुन अमेरिका अाइसकेका हुन् । 

 

प्रचण्ड वाहेक माओवादीका अन्य नेताहरुले पनि अमेरिका आउने जाने गरेका छन् । माओवादीका नेता तथा हालका सभामुख कृष्णबहादुर महरा केही बर्ष अघि अमेरिकी सरकारका अधिकारीसँग कुरा गर्न गोप्य रुपमा अमेरिका आएका थिए ।

 

जनयुद्ध कालमा माअोवादीका सबैभन्दा चर्चित रहेका डा. बाबुराम भट्टराइ पनि पटक पटक अमेरिका अाइसकेका छन् । तस्बिर: सामाजिक संजाल