मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ग्लोबल   

नेकपा अध्यक्ष दाहाल पत्नी सीताको उपचारमा सोमबार अमेरिका आउँदै

नेकपा अध्यक्ष दाहाल पत्नी सीताको उपचारमा सोमबार अमेरिका आउँदै


वासिङटन डिसी (अमेरिका) – सत्तारूढ दल नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्ड पत्नी सीता दाहालको उपचारका लागि सोमबार अमेरिका आइपुग्ने भएका छन् । 
 
दाहाल नेपाली समय अनुसार आइतबार साँझ ५ बजे काठमाडौबाट अमेरिकाको लागि उँड्दैछन् । सीताको उपचार मेरील्याण्ड राज्यको बाल्टिमोरस्थित जोन हप्किन्स अस्पतालमा गराउन लागिएको हो।
 
केही महिना अघिनै भीसा लगायतका कागजात बनाइसकेका दाहाल भेनेजुयला प्रकरणमा अमेरिका चिढिने गरि वक्तव्य जारी गरेपछि पछि हटेका थिए । तर पछिल्लो समयमा सो प्रकरण थामथुम हुनुका साथै अमेरिकी राजदूतसँग भेटभएपछि उनी अमेरिका आउन तयार भएका हुन् । 
 
पुत्र वियोगपछि सीताको स्वास्थ स्थिती निकै कमजोर भैरहेको छ । उनी लामो समयदेखि बिरामी छिन्। उनलाई यसअगि भारत, सिङ्गापुर लगायतका मुलुकमा धेरैपटक उपचार गराइसकिएको छ। सीता पार्किन्सन रोगले पनि पीडित छिन् । 
 
सीताका साथमा छोरी गंगा तथा सीताको हेरचाह गरिरहेकी एक नर्स पनि अमेरिका आउने भएकी छिन् । पत्नीको उपचारका लागि प्रचण्ड अमेरिकामा १० दिन रहने कार्यक्रम छ । 
 नेकपाको सांठनीक एकतालाइ अलपत्र पारेर प्रचण्ड अमेरिका आउन लागेका हुन् । 
 
व्यक्तिगत र नितान्त उपचारका लागि आउन लागेका दाहालको भ्रमणलाइ लिएर अमेरिकामा रहेका नेपालीहरू समेत विभाजित देखिएका छन् । सामाजीक सञ्जालहरूमा दाहाललाइ सान्त्वना र शीघ्र स्वास्थलाभको कामना गर्ने भन्दा पनि विरोध गर्ने र अपशव्द लेख्नेहरूको वाहुल्यता देखिएको छ । अमेरिकामा रहेको एउटा पक्षले दाहालको विरोध गर्ने तयारी गरेको समेत बुझिएको छ ।