हिमालयखवर संवाददाता

अमेरिका- नेपाल जनसम्पर्क समिति अमेरिकाका अध्यक्ष आनन्द विष्ट समयमा अधिवेशन गरी नेतृत्व हस्तान्तरण गर्न अक्षम भएकाले उनको वैधानिकता प्रति गम्भिर प्रश्न उठेको छ । 

 

जनसम्पर्क समितिकै सकृय सदश्यहरुले विष्टले जनसम्पर्क समितिको विधान र प्रजातन्त्रिक मर्म अनुसार संस्थालाई संचालन गर्न असक्षम भएको आरोप लगाएका हुन् । जनसम्पर्क समितिका पुर्व संयोजक विष्णु सुवेदीले जनसम्पर्क समिति अमेरिकाको वर्तमान कार्यसमितिको पदावधि करिव एक बर्ष अघि सकिएको र संस्थाको विधानमा समय थप गर्ने कुनै व्यवस्था नभएको हुँदा विष्टलाई जनसम्पर्क समिति अमेरिकाको अध्यक्षका रुपमा काम गर्ने कुनै अधिकार नभएको धारणा राखेका छन् । 

 

सुवेदीले हालै कृयाशील सदस्यता वितरणमा व्यापक दुरुपयोग भएको र समयमा नेतृत्व हस्तान्तरण गर्न असक्षम भएको हुँदा विष्टलाई असक्षम घोषित गरी कारवाहीको माग गरेका छन् । सुवेदी जनसम्पर्क समिति अन्तराष्ट्रिय संजालका संयोजक पनि हुन् । 

 

जनसम्पर्क समितिको पदावधी अघिल्लो नोभेम्बर २२ तारिख सम्म थियो । विष्टले सार्वजनिक रुपमा एक बर्ष अघि नै नयाँ नेतृत्वका लागि निर्वाचन गर्ने बताएका थिए । तर, झण्डै १३ महिना वित्न लाग्दा पनि जनसम्पर्क समिति अमेरिकाको चुनावको तयारी सुरू भएको छैन । 

 

'जनसम्पर्क समितिको विधानमा समय थप गर्ने कुनै प्रावधान छैन । यस्तो अवस्थामा विष्टले जनसम्पर्क समिति अमेरिकाको अध्यक्ष हुँ भन्दै हिड्नु भाषण गर्नु नै अनैतिक हो' सुवेदीले भने ।

 

'मानौं टाउको दुख्दा खाने सामान्य औषधी सिटामलको मिती सकियो भने हामी खादैंनौं फाली दिन्छौं जनसम्पर्क समितिपनि अहिले मिती ग्रजु्रेको सिटामोल जस्तै भएको छ' सुवेदीले भने ।

 

सुवेदीका अनुसार गत बैशाखमा जनसम्पर्क समितिलाई नेपाली कांग्रेस पार्टीले कुनै पनि राजनीतिक गतिविधि नगर्नु, अघि नवढाउनु भनि पत्र लेखेको थियो तर, जनसम्पर्क समितिका सभापति विष्टले यसलार्ई पनि वुझ्नु भएन ।

 

कृयाशील सदश्यता वितरणमा पनि निकै त्रुटीहरु भएको आरोप सुवेदीको छ । नाम खाली भएका कृयाशील सदस्यता कार्ड ल्याएर यहाँ मनलाग्दी रुपमा नाम भर्दै वितरण गर्ने कार्य भयो यो निकै आपत्तिजनक रहेको भनाइ सुवेदीको छ । गत बैशाखकै ६ सय ७४ वटा कृयाशील सदश्यका कार्ड अमेरिका आएका थिए अहिले यो अवैधानिक समितिले किन वितरण गर्यो भन्ने प्रश्न सुवेदीको छ । 

 

जनसम्पर्क समिति अमेरिकाको वर्तमान कार्यसमितिको अवधि सकिएपछि भएका केन्द्रिय समितिका वैठकमा केही केन्द्रिय सदस्य अनुपस्थित हुँदै आएका छन् । यस्तै केही च्याप्टरका सभापतीले समेत राजीनामा दिएको सार्वजनिक भएको थियो ।

 

जनसम्पर्क समिति नेपाली कांग्रेस आवद्ध विदेशमा रहेका नेपालीलाई समेट्ने संस्था हो । यो संस्थावाट पनि नेपाली कांग्रेस महाधिवेशनमा प्रतिनिधित्व गराईन्छ । महाधिवेशन कांग्रेसको नीति निमार्ण गर्ने मुख्य थलो हो । विष्ट कांग्रेसका नियुक्त आमन्त्रित  केन्द्रिय सदस्य पनि हुन् ।

 

जनसम्पर्क समिति अमेरिका सधै विवादमा परिरहने संस्था भईसकेको छ । नेपालमा गएको महाभुकम्पको वेला सहयोग गर्न उठाएको पैसा हिनामिना भएको वारेमा व्यापक विवाद भएको थियो । त्यसवेला यो कार्यसमिति माथि गम्भिर आरोप लागेको थियो ।

 

जनसम्पर्क समिति विधान अनुसार नचल्दा अमेरिकामा यो संस्था कमजोर भईरहेको छ । नेतृत्वनै विधान अनुसार चल्दैन भने संस्था कसरी बलियो हुन्छ सुवेदीले भने-'जनसम्पर्क समिति अमेरिकाको अवको विकल्प भनेको असक्षम अध्यक्षलाई कारवाही र निर्वाचन समिति गठन गरेर नयाँ चुनाव गराउनु हो, जतिसममयसम्म यो कमिटी रहन्छ त्यत्तिवेला सम्म संस्थाको विधानको दुरुपयोग हुन्छ ।'