काठमाडौं । कन्चनपुरकी १३ वर्षीया किशोरी निर्मला पन्तको बलात्कारी र हत्यारालाई कारबाहीको माग गर्दै कञ्चनपुरमा फेरि आन्दोलनका कार्यक्रम सार्वजनिक गरिएको छ ।
हत्या भएको चार महिना बितिसक्दा पनि प्रहरीले बलात्कारी र हत्यारालाई पक्राउ गर्न नसकेपछि कञ्चनपुरवासीसीले आन्दोलनका कार्यक्रम सार्वजनिक गरेका हुन् ।
निर्मला पन्तका बुव्ँ यज्ञराज पन्त लगातार धर्नामा बसेका कारण बिरामी परेपछि काठमाडौंमा उपचाररत छन् । नागरिक संघर्ष समिति बनाएर आन्दोलनका कार्यक्रम घोषणा गरिएको थियो ।
आन्दोलनका कार्यक्रम अनुसार सोमबार र मंगलबार सुदूरपश्चिम प्रदेशका सबै जिल्ला प्रशासन कार्यालय मूलगेटमा कालोपट्टी बाँधेर धर्ना दिने, बुधबार न्यायका लागि दिउँसै टर्च बालेर आन्दोलन गर्ने, बिहीबार मानव साङ्लो बनाउनेलगायत छन् ।
यसैबीच, शनिबार निर्मलाको पोस्टरसहत सरकार भेटियो, न्याय भेटिएन लेखिएको पोस्टर माइतीघर मण्डलालगायत देशका विभिन्न स्थानमा टाँसिएको थियो ।
प्रतिक्रिया