ह्युस्टन (अमेरिका)
अमेरिकाका ४१ अाैं राष्ट्रपति जर्ज एचडब्लु बुस (सिनियर बुस) को शुक्रबार राति ९४ वर्षको उमेरमा निधन भएको छ ।
लामो समयदेखि पार्किन्सन रोगबाट पीडित बुसको निधन भएको परिवारले पुष्टी गरेको समाचार एजेन्सीहरूले जनाएका छन् । गत अप्रिल १७ मा उनकी पत्नी बार्बराको निधन भएको थियो ।
बुस अमेरिकाका ४३ अाैं राष्ट्रपति जर्ज बुस र फ्लोरिडाका पुर्व गभर्नर जेब बुसका पिता हुन् । मासाचुसेट राज्यमा जन्मिएका भएपनि उनी सन् १९६५ देखि टेक्ससको ह्युस्टनमा बस्दै अएका थिए । उनी सन् १९८९ देखि १९९३ सम्म अमेरिकाको राष्ट्रपति थिए ।
बुसको निधन पछि अब अमेरिकामा जीवित पूर्व राष्ट्रपतिमा चारजनामात्र बाँकी रहेका छन् । जिम्मी कार्टर, जर्ज बुस, बिल क्लिन्टन र बाराक अोबामा मात्र जीवित छन् ।
नेपालमा २०४६ को जनअान्दोलन हुँदा जर्ज एचडब्लु बुस अमेरिकामा राष्ट्रपति थिए । तत्कालिन समयमा उनले नेपाली कांग्रेसका सर्वोच्च नेता गणेशमान सिंहलाइ निकै सम्मानका साथ भेटेका थिए ।
जीवनभर रिपब्लिकन पार्टीमा लागेका र सोही पार्टीबाट राष्ट्रपतिमा निर्वाचित बुसले दुइ वर्ष अघिको चुनावमा भने रिपब्लिकन उम्मेदवार डोनाल्ड ट्रम्पलाइ भोट हालेका थिएनन् ।उनले हिलारीलाइ मतदान गरेका थिए ।
पूर्व राष्ट्रपति बाराक अबामाले बुसलाइ देशप्रेमी राष्ट्रपतिको संज्ञा दिएका छन् ।
तस्बीर साभारः युएसटुडे
प्रतिक्रिया