हिमालयखवर संवाददाता
अमेरिका– टेक्ससको लुईजभिलमा रहेको लिकर स्टोरमा एक जना लुटेराले स्टोर मालिकको हत्या गरेका छन् ।
सोमवार साँझ करिव १० बजे तिर लुईजभिल स्थित लिकर सिटी नामक स्टोरमा भएको उक्त घटनामा स्टोरमा कार्यरत सुरेश श्याम शाहको मृत्यु भएको हो । शाह ४६ बर्षका थिए । उनी भारतीय मुलका भएको बताईएको छ ।
लुइजभिल ड्यालस डाउनटाउनबाट २० मिनेटको ड्राइभिङमा पुगिन्छ ।
लुटेराले पहिले नगद लिएपछि गोली हानेको आशंका गरिएको छ । तर, उक्त समयमा स्टोर भने बन्द थियो । गोली लागेर भुईँमा ढलेका शाहलाई कसैले देखेर प्रहरीलाई खवर गरेका थिए । प्रहरी आइपुग्दा उनी भुईंमा लडिरहेका थिए । प्रहरी शाहलाई अस्पताल लगेका थिए । अस्पतालले मृत्यु घोषणा गरेको थियो ।
प्रहरीले अपराधमा संलग्न व्यक्तिको खोजी गरिरहेको जनाएको छ । शाह जय शक्ति ग्लोबल इन्कका मालिक थिए । तस्बिर: सामाजिक संजाल
प्रहरीका अनुसार उनलाई छातीको माथिल्लो भागमा गोली लागेको थियो । प्रहरीले हत्यामा संलग्नका वारेमा सुरक दिन सर्वसाधारणसँग अनुरोध गरेको छ ।
टेक्ससमा नेपालीहरका पनि थुप्रै स्टोरहरु छन् । कयौं नेपाली त्यहाँ काम गर्छन ।
प्रतिक्रिया