मनोरञ्जन

आईतबार ड्यालासमा 'बुद्ध बर्न ईन नेपाल' फिल्म देखाइदै

159 पटक पढिएको

हिमालयखवर संवाददाता- | 24th Nov 2018, Saturday | २०७५ मंसिर ८, शनिबार १६:२९
ड्यालस (टेक्सस) - बुद्ध धर्मका प्रवर्तक भगवान गाैतम बुद्ध नेपालमा जन्मेको सन्देश संसारभर फैलाउने उद्धेश्यले तयार पारिएको नेपाली फिल्म 'बुद्ध बर्न ईन नेपाल' आईतबार ड्यालासमा देखाईने भएको छ । 
 
फिल्मका निर्माता समेत रहेका नायक रमित ढुंगानाको उपस्थितीमा हुन लागेको फिल्म साँझ ५ बजे स्थानिय रमाईलो रेष्टुरेण्टमा हुन लागेको हो । नेपालका बिभिन्न स्थानमा देखाईएको फिल्म संयुक्त राष्ट्रसंघमा समेत देखाउने तयारी भईरहेको नायक ढुंगानाले बताएका छन् । 
 
अमेरिकाको चर्चित युनिभसिर्टी कर्नेल युनिभर्सिटि र न्यूयोर्कका बिभिन्न स्थानमा छायाङ्कन गरिएको फिल्म अमेरिकाका बिभिन्न कोर्ष बुकहरुमा बुद्ध भारतमा जन्मेको भेटाए पश्चात यो फिल्म तयार पारिएको जनाइएको छ । 
 
फिल्म बुद्धलाई ड्यालासमा प्रर्दशन गर्न लागिरहेका नेपाली समाज टेक्ससका महासचिव भक्त भण्डारीले ड्यालास वरपर रहेका सबै नेपालीहरुलाई उपस्थित भईदिन आग्रह गरेका छन् ।