हिमालयखवर संवाददाता
लसएन्जलस (अमेरिका) – दक्षिण क्यालिफोर्नियाको थाउजण्ड ओक्समा रहेको बोर्डरलाइन बार एण्ड ग्रीलमा अन्धाधुन्ध गोली चल्दा बुधबार राति १२ जनाको निधन भएको छ ।
उक्त घटनामा गोली हान्ने व्यक्ति समेत मारिएको सञ्चारमाधयमहरुले जनाएका छन् । उक्त बारमा सयौं व्यक्तिहरु मनोरञ्जनका लागि जम्मा भइरहेको समयमा अन्धाधुन्द गोली हानिएको थियो ।
थाउजण्ड ओक्स सिटी क्यालिफोर्नियाको लसएन्जलसबाट ४० माइल पश्चिम तर्फ छ । यो सिटीको जनसंख्या एकलाख ३० हजार रहेको छ । घटनामा दर्जनौ व्यक्तिहरु घाइते भएको सिएनएनले जनाएको छ ।
हमलाकारीले सुुरुमा गेटमा रहेका बाउन्सरमाथि गोली हानेका थिए । त्यसपछि क्यासिएर महिलामाथि गोली हानेकार थिए । बोर्डरलाइन बार स्थानीय भन्टुरा काउन्टीको सबैभन्दा ठूलो डान्स हल सहितको लाइभ म्युजिक हुने स्थल हो । बुधबार यो बारमा ‘कलेज कन्ट्री नाइट’ भैरहेको थियो ।
अमेरिकामा सहज रुपमा बन्दुक राख्न पाउने कानुनले गर्दा दिनहुँ जसो घटनाहरु हुँदै आएका छन् । तस्बिर: सामाजिक संजाल
प्रतिक्रिया