हिमालयखवर संवाददाता

मेरिल्याण्ड(अमेरिका)- मेरिल्याण्ड राज्यको हाउस अफ डेलिगेट सदश्यका लागि मगंलवार भएको निर्वाचनमा नेपाली मुलका अमेरिकी ह्यारी भण्डारीले अग्रता लिएका छन् । प्रारम्भिक मतगणनामा उनी दोस्रो स्थानमा परेका हुन् । उक्त क्षेत्रमा तीन जना निर्वाचित हुन्छन् ।

 

ह्यारी हाउस अफ डेलिगेट क्षेत्र ८ का उम्मेदवार हुन् । उनले जितेभने अमेरिकी राजनीतिमा सवैभन्दा माथिल्लो पदमा निर्वाचित हुने उनी पहिलो नेपाली अमेरिकी हुने छन् ।

 

मेरिल्याण्डमा ह्यारीको चुनावी अभियानलाई सघाईरहेका पत्रकार गौतम दाहालका अनुसार १४ वटा वुथको मतगणना गर्दा ह्यारीको पक्षमा १३ हजार ६ सय ९६ मत आएको छ । पहिलो स्थानमा आएका उम्मेदवार भन्दा ह्यारी २ सय मतले मात्र पछाडी छन् । यो प्रारम्भिक नतिजा कायम भए ह्यारी सजिलै चुनाव जित्ने छन् ।