हिमालयखवर संवाददाता-

क्यार्लिफोनिया (अमेरिका) I क्यार्लिफोनियाको योसेमाइट नेशनल पार्कका सेल्फी फोटो लिँदा डिलबाट खसेर भारतीय दम्पत्तीको ज्यान गएको छ ।

 

पार्कको डिलवाट अाठसय फिट तल खस्दा ती दम्पत्तीको निधन भएको हो । एशोसियट प्रेसका अनुसार डिलवाट खस्नु अघि ती दम्पत्तीले सेल्फी लिईरहेका थिए  । सेल्फी लिने क्रममै दुर्घटना भएको अनुमान गरिएको छ ।

 

निधन हुनेमा २९ बर्षका विष्णु विश्वनाथ र उनी पत्नी ३० बर्षिय मीनाक्षी मूर्ति रहेको जनाईरहेको छ । यो घटना गत अघिल्लो सोमबार भएको थियो ।

 

विष्णुका भाई जिष्णुले फक्स न्यूजसँग डिलवाट खस्नु अघि सेल्फी दिएको देखेको बताए । उनका अनुसार सेल्फी फोटो लिनुअघि उनीहरुले आफ्नो ट्राईपोड मिलाएका थिए ।

 

उनीहरू डिलबाट खसेपछि दुरबीन र हेलिकप्टर प्रयोग गरेर ती दम्पत्तीको शव निकालिएको थियो । उक्त डिल फोटो खिच्नेका लागि चर्चित स्थान थियो । तर, त्यहाँ कुनै छेकबार थिएन ।

 

पार्क प्रवक्ता जेमी रिचर्डसले भने ती दम्पत्तीको मृत्युको कारण पत्ता नलागिसकेको वताएका छन् । कसरी उनीहरु डिलबाट तल झरे यसवारेमा पत्ता लगाउन अनुसान्धान भईरेहेको छ उनले भने । मृतक दुवै जना इन्जिनियरिङ्गका विद्यार्थी भएको बताईएको छ । उनीहरुले मृत्यु अघि आफ्नो रमोञ्चक यात्राका बारेमा फेसबुकमा फोटोहरु हालेका थिए ।

 

अल इण्डिया मेडिकल सान्इस द्धारा प्रकाशित अध्ययन प्रतिवेदन अनुसार सन् २०११ अक्टोबर देखि नोभेम्बर २०१७ सम्म सेल्फीका कारण २५० जना भन्दा वढीले ज्यान गुमाएका छन् ।

 

तस्बिर: सामाजिक संजाल