हिमालयखवर संवाददाता- 

ड्यालस (अमेरिका) । विगत चारवर्षदेखि ड्यालसको नेपाली समुदायले मनाउँदै अएको इन्द्रजात्रा पर्व यस पटक पनि निकै महत्वका साथ मनाइएको छ ।

 

युलेसको बियरक्रिक पार्कमा अाइतबार बिहान ११ बजेदेखि सुरू भएको इन्द्रजात्रा कार्यक्रम साँझ ६ बजेसम्म चलेको थियो । विशेषगरि काठमाडाँका नेवारी समुदायले वर्षा र सहकालका देवताका रूपमा इन्द्रको पूजा गर्ने प्रचलनलाइ अमेरिकामा रहेका नेवार समुदायले अफ्नो महत्वपूर्ण संस्कृतिका रूपमा मनाउदै अएका छन् ।

 

युनाइटेड नेवा अर्गनाइजेसनको अयोजनामा ड्यालस फोर्टवर्थका नेवारी समुदायले विगत चार वर्षदेखि इन्द्रजात्रा मनाउँदै अएका हुन् । गत दुइवर्षदेखि युलेसको बियरक्रिक पार्कमा यो पर्ब मनाइदै अाएको छ । 

 

नेवारी संस्कृतिको महत्वपूर्ण पर्व भएपनि यहाँ मनाइदै अाएको इन्द्रजात्रामा अन्य समुदायका व्यक्तिहरूको निकैनै सकृय उपस्थिति रहँदै अएको छ । 

 

अइतबारको इन्द्रजात्रा कार्यक्रममा परम्परागत लाखेनाचका अतिरिक्त नेवारी भोजको महत्वपूर्ण अंश समयबजीको समेत व्यबस्था गरिएको थियो । त्यस अवसरमा नेवारी पोशाकमा सजिएका युवतीहरूले र्याम्पमा क्याटवाक सहितको प्रस्तुति प्रदर्शन गरेका थिए । 

 

ड्यालसको नेपाली समुदायका सकृय मकर बज्राचार्यका अनुसार परम्परागत संस्कृतिका बारेमा बालबालिकाहरूलाइ जानकारी दिने र समुदायको एकताका लागि यस्ता चाडपर्वहरू महत्वपूर्ण हुँदै अाएको छ । फोटो साभार: राम्रो फोटो