अन्तर्वार्ता

पप्पु कन्स्ट्रक्सनलाई काम हामीले दिएको होइनः प्रधानमन्त्री अोली

163 पटक पढिएको

हिमालयखबर | 29th Sep 2018, Saturday | २०७५ आस्विन १३, शनिबार १६:५३
न्यूयोर्क । प्रधानमन्त्री केपी शर्मा ओलीले पप्पु कन्स्ट्रक्सनलाइ अहिलेको सरकारले ठेक्का नदिएको स्पष्ट पारेका छन् । संयुक्त राष्ट्रसंघको महासभालाई सम्बोधन गर्न न्यूयोर्कमा आएका प्रधानमन्त्री ओलीले कार्यक्रम यु स्टाट अगेनका लागि पत्रकार सूर्य थापासंग कुरा गर्दै पप्पले बनाएका पुलहरू पहिलेनै बनेका र भत्किएका पुल, नबनेका पुल, भाँच्चिएका पुल, कच्ची पुल, जे भएका अफ्नो समयमा नभएको बताएका छन् । 
 
ती पहिले त्यस प्रकारकाले केके लिने दिने भए, पहिलेकाले जानुन् । केके कारणले एउटा पनि राम्रो काम भएन, त्यो पहिलेका सरकारले जान्ने कुरा हो । तर, अहिलेको सरकारले तत सम्बन्धमा छानविन गरेको छ । खोजीनिती गरेको छ र छानविनबाट त्रुटीपूर्ण, अपराधपूर्ण देखिएका ठाउँमा कारवाही गर्छ । 
देशले हाम्रै पालामा काँचुली फेर्ने प्रधानमन्त्रीले बताएका छन् । देशले हाम्रै पालामा बिकास गर्ने, सरकारले राम्रो गरेको भए पनि केहि तत्व बिरोधमा लागेको प्रधानमन्त्रीको भनाई छ । सरकारको बिरोध गर्ने र कुप्रचार गर्ने काम गर्नेहरुले भ्रम फैलाउन खोजे पनि सरकारले दिर्घकालिन र बर्तमान पनि राम्रा योजना लिएर अगाडि बढेको भनाई छ । 
 
गैर आवासीय नेपालीहरुले खोजेका सबै अधिकार प्राप्त गर्ने कुरामा बिश्वस्त हुन आग्रह गर्दै प्रधानमन्त्री ओलीले देशमा लगानी गर्न समेत आग्रह गरेका छन् । आफू अमेरिकामा आएको बेला नेपालमा माधव नेपाल लगायतका नेताले देश डुब्न लागेको भनेको भनाई प्रति प्रधानमन्त्री ओलीले आफु आए पछि ठिक हुने बताएका छन् । निर्मला हत्याकाण्ड, सिके राउत, समसामयीक बिषय लगायतका प्रश्न समेटिएको कार्यक्रम यु स्टाट अगेनको लिंक यहाँ राखिएको छ ।